Subhashree: ‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?

‘బిగ్ బాస్ 7 ‘ స్టార్ట్ అయ్యి వారం దాటింది. ఆల్రెడీ కిరణ్ రాథోడ్ ఎలిమినేట్ అవ్వడం జరిగింది. మునుపటి సీజన్స్ మాదిరి.. ఈ సీజన్ అంత ఇంట్రెస్టింగ్ గా లేదు అనే కామెంట్స్ కూడా ఎక్కువగా వినిపిస్తున్నాయి. టాస్కులు కూడా ప్రేక్షకులను ఎంటర్టైన్ చేసే విధంగా లేవు అనే కామెంట్స్ కూడా వినబడుతున్నాయి. ఆ విషయాలను పక్కన పెట్టేస్తే.. బిగ్ బాస్ హౌస్ అంటే గ్లామర్ కి పెద్దపీట వేస్తారు నిర్వాహకులు. అందమైన అమ్మాయిలతో హౌస్ అంతా కళకళలాడుతూ ఉంటుంది. సీజన్ 7 లో కూడా గ్లామర్ కి కొదువే లేదు.

ఈ విషయాలను పక్కన పెట్టేస్తే.. ఈ సీజన్ లో 5 వ కంటెస్టెంట్ గా ఎంట్రీ ఇచ్చింది శుభ శ్రీ. ఈమెలో చాలా టాలెంట్ ఉంది. హౌస్ లో ఎనర్జిటిక్ గా ఉండే కంటెస్టెంట్స్ లో ఈమె కూడా ఒకరు. స్లోగా ఆడుతున్నప్పటికీ.. ఈమెకి ఫాలోవర్స్ సంఖ్య ఎక్కువగానే ఉన్నాయి. ఆమె గురించి కొన్ని ఆసక్తికర విషయాలు ఇప్పుడు తెలుసుకుందాం రండి :

1) శుభ శ్రీ పూర్తి పేరు శుభశ్రీ రాయగురు. 1997 జూలై 15 న ఈమె కర్ణాటక లోని బెంగళూరులో జన్మించింది.

2) శుభ శ్రీ తల్లిదండ్రులు ముంబైకి చెందిన వాళ్లు.

3) స్కూలింగ్ పూర్తయ్యాక ఈమెకి లా చదవాలనే కోరిక బాగా పెరిగింది. అందుకే ముంబై యూనివర్సిటీలో ‘లా’ కంప్లీట్ చేశాడు.

4) శుభ శ్రీకి స్పోర్ట్స్ అంటే కూడా బాగా ఇష్టం. ఈమె బ్యాడ్మింటన్ చాలా బాగా ఆడుతుంది.

5) శుభశ్రీ క్లాసికల్ డాన్సర్ కూడా .. చాలా కల్చరల్ యాక్టివిటీస్ లో కూడా ఈమె పాల్గొంది.

6) శుభ శ్రీ తల్లి పేరు విజయలక్ష్మి, తండ్రి పేరు రమేష్ చంద్ర. ఈమెకు ఓ చెల్లి, తమ్ముడు కూడా ఉన్నారు.

7) 2020 ఫెమినా మిస్ ఇండియా ఒడిశా..కి గాను ఆమె టైటిల్ విన్నర్ గా నిలిచింది.

8) శుభ శ్రీ (Subhashree) పలు యాడ్స్ లో కూడా నటించింది. అలాగే 3 వేల లైవ్ షోలకి యాంకర్ గా వ్యవహరించింది.

9) ఇక 2022 లో వచ్చిన ‘రుద్ర వీణ’ అనే చిన్న సినిమాతో ఈమె నటిగా ఎంట్రీ ఇచ్చింది. అటు తర్వాత ‘కథ వెనుక కథ’ ‘అమిగోస్’ ‘స్నదేహం’ వంటి సినిమాల్లో కూడా నటించింది.

10) 2016 లో వచ్చిన ‘అ! ‘ తమిళంలో ‘ఉట్రన్’ అనే సినిమాలో కూడా నటించింది.

11) హిందీలో మస్తీ జెడ్ అనే సినిమాకి ఈమె అసిస్టెంట్ డైరెక్టర్ గా పనిచేయడం కూడా జరిగింది.

12) 2023 లో బెస్ట్ యాక్ట్రెస్ కేటగిరిలో దాదా సాహెబ్ ఫాల్కే ఎక్సలెన్స్ అవార్డు కూడా అందుకుంది.

13) శుభశ్రీ కి ఇష్టమైన హీరో సూపర్ స్టార్ రజినీకాంత్. అతని సినిమాలు ఫస్ట్ డే .. ఫస్ట్ షో చూసేస్తుంది.

14) బిగ్ బాస్ లో విన్నర్ గా నిలవడమే.. ఈమె లక్ష్యం అంటూ చెప్పుకొచ్చింది. మరి హౌస్ లో ఎంత వరకు రాణిస్తుంది అనేది చూడాలి.