సెప్టెంబర్ నెల టాలీవుడ్ బాక్సాఫీస్ కు పెద్దగా కలిసి రాలేదు. ‘బ్రహ్మాస్త్రం’ ‘ఒకే ఒక జీవితం’ వంటి సినిమాలు తప్ప మిగిలిన సినిమాలు అన్నీ ఫ్లాప్ అయ్యాయి. పైగా ఈ నెల పెద్ద సినిమాలు కూడా రిలీజ్ అయ్యింది లేదు. దీంతో జనాలకు థియేటర్ కి వచ్చే ఆసక్తి కూడా తగ్గిందని చెప్పొచ్చు. ఈ క్రమంలో ఓటీటీలే ఎక్కువగా సందడి చేశాయి. అయితే అక్టోబర్ నెల ఆరంభంలోనే రెండు పెద్ద సినిమాలు రిలీజ్ అవుతున్నాయి. అంతేకాదు ఓటీటీల్లో కూడా మంచి క్రేజీ సినిమాలు రిలీజ్ అవుతున్నాయి. ఈ దసరాకి థియేటర్/ ఓటీటీ కలుపుకుని 10 సినిమాలకు పైగా రిలీజ్ కాబోతున్నాయి. అవేంటో ఓ లుక్కేద్దాం రండి :
ముందుగా థియేటర్లో రిలీజ్ కాబోతున్న సినిమాలు :
1) గాడ్ ఫాదర్ : మెగాస్టార్ చిరంజీవి హీరోగా మలయాళంలో సూపర్ హిట్ అయిన ‘లూసిఫర్’ ని తెలుగులో ‘గాడ్ ఫాదర్’ గా రీమేక్ చేసిన సంగతి తెలిసిందే. అక్టోబర్ 5న దసరా కానుకగా ఈ మూవీ రిలీజ్ కాబోతుంది. సల్మాన్ ఖాన్ కూడా ఈ చిత్రంలో కీలక పాత్ర పోషించడంతో ‘ఆచార్య’ ప్లాప్ అయినా సరే ఈ మూవీ పై అంచనాలు పెరిగాయి. మోహన్ రాజా ఈ చిత్రానికి దర్శకుడు.
2) ది ఘోస్ట్ : నాగార్జున హీరోగా ప్రవీణ్ సత్తారు దర్శకత్వంలో రూపొందిన మూవీ ‘ది ఘోస్ట్’. అక్టోబర్ 5న ఈ మూవీ రిలీజ్ కాబోతుంది.శ్రీవెంకటేశ్వర సినిమాస్ ఎల్‌ఎల్‌పి, నార్త్ స్టార్ ఎంటర్టైన్మెంట్ బ్యానర్స్ పై సునీల్ నారంగ్ తో కలసి పుస్కుర్ రామ్ మోహన్ రావు, శరత్ మరార్ ఈ చిత్రాన్ని భారీ బడ్జెట్ తో నిర్మించారు.
3) స్వాతి ముత్యం : ఫార్చ్యూన్ ఫోర్ సినిమాతో కలిసి ప్రముఖ నిర్మాణ సంస్థ ‘సితార ఎంటర్టైన్మెంట్స్’ బ్యానర్ పై సూర్యదేవర నాగవంశీ నిర్మించిన చిత్రం ‘స్వాతిముత్యం’. బెల్లంకొండ గణేష్, వర్ష బొల్లమ్మ జంటగా నటించిన ఈ చిత్రానికి లక్ష్మణ్ కె. కృష్ణ దర్శకుడు. అక్టోబర్ 5 న దసరా కానుకగా ఈ మూవీ రిలీజ్ కానుంది. ఈ చిత్రం టీజర్, ట్రైలర్ కూడా ఆకట్టుకున్నాయి. దీంతో ఈ చిత్రం పై మంచి అంచనాలే ఏర్పడ్డాయి.
ఓటీటీలో రిలీజ్ కాబోతున్న సినిమాలు/సిరీస్ లు :
4) కార్తికేయ 2 : నిఖిల్, అనుపమ పరమేశ్వరన్ జంటగా నటించిన ఈ మూవీ థియేటర్లో సూపర్ సక్సెస్ సాధించింది. బాలీవుడ్లో కూడా ఈ మాట సూపర్ హిట్ అయ్యింది. నిఖిల్ కెరీర్లో కూడా ఈ మూవీ బిగ్గెస్ట్ హిట్ గా నిలిచింది. ఇక అక్టోబర్ 5 నుండి ఈ మూవీ జీ5 లో స్ట్రీమింగ్ కానుంది.
5) బింబిసార: నందమూరి కళ్యాణ్ రామ్ డబుల్ రోల్లో టైం ట్రావెల్ కథాంశంతో రూపొందిన చిత్రం ‘బింబిసార’. ఈ సినిమా కూడా సూపర్ సక్సెస్ సాధించింది. అక్టోబర్ 7 నుంచి ఈ మూవీ జీ5లో స్ట్రీమింగ్ కానుంది.
6) రంగ రంగ వైభవంగా : వైష్ణవ్ తేజ్ నటించిన ఈ మూవీ ఆల్రెడీ నెట్ ఫ్లిక్స్ లో స్ట్రీమింగ్ అవుతుంది.
7) రక్షా బంధన్ : అక్షయ్ కుమార్ నటించిన ఈ మూవీ అక్టోబర్ 5 నుండి జీ5 లో స్ట్రీమింగ్ కానుంది.
8) దర్జా : అనసూయ, సునీల్ ప్రధాన పాత్రలో తెరకెక్కిన యాక్షన్ మూవీ ‘దర్జా’. ఈ మూవీ అక్టోబర్ 5 నుండి ఆహా లో స్ట్రీమింగ్ కానుంది.
9) ఉనికి : చిత్ర శుక్లా ప్రధాన పాత్రలో తెరకెక్కిన ఈ చిత్రం అక్టోబర్ 5 నుండి ఆహాలో స్ట్రీమింగ్ కానుంది.
10) ఈషో : ఈ మలయాళం మూవీ తెలుగు వెర్షన్ ‘సోనీ లివ్’ లో అక్టోబర్ 5 నుండి స్ట్రీమింగ్ కానుంది.
11) గాలిపాట 2 : ఈ కన్నడ మూవీ అక్టోబర్ 5 నుండి జీ5 లో స్ట్రీమింగ్ కానుంది.
12) ఎక్స్ పోజ్డ్ : ఈ హాలీవుడ్ వెబ్ సిరీస్ అక్టోబర్ 7 నుండి డిస్నీ ప్లస్ హాట్ స్టార్లో స్ట్రీమింగ్ కానుంది.
13)ప్రే : ఈ హాలీవుడ్ మూవీ అక్టోబర్ 7 నుండి డిస్నీ ప్లస్ హాట్ స్టార్లో స్ట్రీమింగ్ కానుంది.
14) ‘మజా మా’ : ఈ హిందీ సినిమా అక్టోబర్ 6 నుండి అమెజాన్ ప్రైమ్ లో స్ట్రీమింగ్ కానుంది.
15) ది మిడ్ నైట్ క్లబ్ : ఈ వెబ్ సిరీస్ అక్టోబర్ 7 నుండి నెట్ ఫ్లిక్స్ లో స్ట్రీమింగ్ కానుంది.
Most Recommended Video
నేనే వస్తున్నా సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఆరోహి రావ్ గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
Home