ఇక్కడ, అక్కడ, అని తేడా లేకుండా విడుదలైన చోటల్లా బాహుబలి కంక్లూజన్ వీర విహారం చేస్తోంది. గత నెల 28 న విడుదలైన ఈ మూవీ కలక్షన్ల వర్షం కురిపిస్తోంది. రెండు వారాల దాటినా కూడా బాహుబలి థియేటర్ల వద్ద సందడి తగ్గలేదు. మనదేశంలోనే కాదు విదేశాల్లో బాహుబలి 2 కోసం క్యూ కడుతూనే ఉన్నారు. అమెరికాలో మొదటి వారం 13.08 మిలియన్ డాలర్లను కొల్లగొట్టి ఔరా అనిపించింది. రెండో వారంలోను అదేజోరు కొనసాగించింది. మూడో వారంలోకి అడుగుపెట్టినప్పటికీ కలక్షన్స్ ఏ మాత్రం తగ్గలేదు.
16 (మే 13 )రోజులకు కలిపి ఈ సినిమా 18.55 మిలియన్ డాలర్లు అనగా 120 కోట్లకు పైగానే రాబట్టింది. మూడు వారాలు ముగిసేసరికి 150 కొల్లగొడుతుందని ట్రేడ్ వర్గాల వారు చెబుతున్నారు. రాజమౌళి, ప్రభాస్ బృందం ఐదేళ్లపాటు కష్టపడి తెరకెక్కించిన బాహుబలి 2 ప్రపంచవ్యాప్తంగా 15 రోజులకు 1300 కోట్లు వసూలు చేసి 1500 కోట్ల మార్క్ చేరుకోవడానికి పరుగులు తీస్తోంది.
Also, do SUBSCRIBE to our YouTube channel to get latest Tollywood updates.
