‘జబర్దస్త్’ జడ్జికి ఆ ఇద్దరిలో ఒకరు?

గత ఆరేళ్ళుగా ‘జబర్దస్త్’ కామెడీ షో లో జడ్జి పాత్ర పోషిస్తూ స్పెషల్ అట్రాక్షన్ గా నిలిచారు నాగబాబు. ఈ షో లో ఆయన మనస్ఫూర్తిగా నవ్వుతుంటారని చాలా మంది కామెంట్స్ చేస్తూనే ఉంటారు. ఎన్నో మీమ్స్ కు ఈయన నవ్వును వాడుకునే నెటిజన్లు కూడా లేకపోలేదు. ఇదిలా ఉండగా.. ఇటీవల ఆయన ‘జబర్దస్త్’ షో నుండీ తప్పుకుంటున్నట్టు ప్రకటించి అందరికీ పెద్ద షాక్ ఇచ్చారనే చెప్పాలి. మరో ఛానెల్ లో అవకాశం రావడం వల్లే ప్రధమంగా ఈ నిర్ణయం తీసుకున్నట్టు తెలుస్తుంది.

ఇదిలా ఉంటే.. నాగబాబు స్థానంలో ఇప్పుడు జడ్జి గా ఎవరు షో ను ముందుకు తీసుకెళ్తారు అనే డౌట్ అందరిలోనూ ఏర్పడింది. నిజానికి నాగబాబు స్థాయిలో మెప్పించగలిగే జడ్జి దొరకడం కష్టమనే చెప్పాలి. అయితే ఇప్పుడు ఆ లోటుని తీర్చడానికి షో నిర్వాహకులు ఇద్దరు ప్రముఖ నటుల్ని సంప్రదిస్తున్నట్టు తెలుస్తుంది. వారే సాయి కుమార్, మరియు అలీ. ఒక జబర్దస్త్ కు జడ్జిగా మరొకరు ఎక్స్ట్రా జబర్దస్త్ కు జడ్జిగా వ్యవహరిస్తారని తెలుస్తుంది. ఇప్పటికే వారు ఓకే చెప్పినట్టు కూడా సమాచారం.

“జార్జ్ రెడ్డి” సినిమా రివ్యూ & రేటింగ్!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!