22 Years Of Arjun: కంటిన్యుటీ ఇష్యూ సినిమా ఫలితాన్ని తారుమారు చేసింది

August 18, 2026 / 11:03 PM ISTByPhani Kumar

Join Us

మహేష్ బాబుకి మాస్ ఇమేజ్ తెచ్చిపెట్టిన సినిమా ‘ఒక్కడు’. వరుస ఫ్లాప్స్..లో ఉన్న మహేష్ బాబు, వరుస ఫ్లాప్స్ లో ఉన్న దర్శకుడు గుణశేఖర్ కలయికలో రూపొందిన సినిమా అది. కమర్షియల్ సినిమాకి.. ముఖ్యంగా మాస్ సినిమాకి ఓ సరికొత్త డెఫినిషన్ చెప్పిన సినిమా అది. ఆ సినిమా మహేష్ బాబు కెరీర్లో ఓ స్పెషల్ మూవీ అనడంలో ఎటువంటి సందేహం లేదు. ఆ రోజుల్లో చిరంజీవి ‘ఇంద్ర’, బాలకృష్ణ ‘నరసింహనాయుడు’ తర్వాత 100 కేంద్రాలకి పైగా 100 రోజులు ఆడియన సినిమా ‘ఒక్కడు’ అనడంలో ఎటువంటి సందేహం లేదు.

Arjun

22 years of arjun

అలాంటి ‘ఒక్కడు’ కాంబినేషన్లో ‘అర్జున్'(Arjun) అనే సినిమా వస్తుంది అంటే అంచనాలు మామూలుగా ఉంటాయా? ‘అర్జున్’ పై ఆ రేంజ్ హైప్ ఉండేది. స్టార్ హీరోయిన్ శ్రీయ ఇందులో మహేష్ బాబుకి జోడీగా నటించింది. పవన్ కళ్యాణ్ ‘తొలిప్రేమ’లో హీరోయిన్ గా నటించిన కీర్తి రెడ్డి ఇందులో మహేష్ బాబుకి సోదరిగా నటించింది. మణిశర్మ సంగీతం. రిలీజ్ కి ముందు ఆడియో సూపర్ హిట్. ‘ఒక్కడు’ కాంబినేషన్ కావడంతో బయ్యర్స్ భారీ రేట్లు పెట్టి ఈ సినిమా ధియేట్రికల్ హక్కులను కొనుగోలు చేశారు.

2004 ఆగస్టు 18న గ్రాండ్ గా రిలీజ్ అయ్యింది ‘అర్జున్’ సినిమా. అయితే రిలీజ్ కి ముందు నెలకొన్న హైప్ ని ఈ సినిమా మ్యాచ్ చేయలేకపోయింది అనే చెప్పాలి. అందుకు ఒక్కటే కారణం అని ఆ టైమ్లో అంతా పెదవి విరిచారు. ‘అర్జున్’ ని చాలా కాస్ట్..లీగా తెరకెక్కించారు. ప్రతి ఫ్రేమ్ రిచ్ గా ఉంటుంది. యాక్షన్ సీన్స్ లో మహేష్ బాబు అదరగొట్టేశారు. పద్మాలయ స్టూడియోస్ లో వేసిన మధుర మీనాక్షి టెంపుల్ ఈ సినిమాకి స్పెషల్ అట్రాక్షన్ అయ్యింది.

మహేష్ బాబు- కీర్తి రెడ్డి.. నిజంగానే కవల పిల్లలు అంటే నమ్మేసేలా సెట్ అయ్యారు. వాళ్ళ మధ్యలో వచ్చే ఎమోషనల్ సీన్స్, ప్రకాష్ రాజ్- సరిత..ల విలనిజం అన్నీ బాగుంటాయి. కానీ కథలో కంటిన్యూటీ లేకపోవడంతో టార్గెటెడ్ ఆడియన్స్ సైతం కన్ఫ్యూజ్ అయిపోయారు. కాసేపు ఫ్లాష్ బ్యాక్ ఎపిసోడ్స్ వస్తాయి, ఆ తర్వాత ప్రెజెంట్లో యాక్షన్ ఎపిసోడ్స్ వస్తాయి. ఇది క్రియేటివిటీ అని దర్శకుడు గుణశేఖర్ అనుకుని ఉండొచ్చు.

కానీ ఆడియన్స్ ని అవే కన్ఫ్యూజ్ చేశాయి. స్క్రీన్ ప్లే ఇలా ఉండటం వల్ల.. ఆడియన్స్ కథనంతో డిస్ కనెక్ట్ అయిపోయారు. ఒకవేళ మొదటి సీన్ నుండీ కథ, కథనాలు ఒక ఫ్లోలో ఉండుంటే కనుక కచ్చితంగా ‘అర్జున్’ ఫలితం మరోలా ఉండేది. అయినప్పటికీ ఇది ఫ్లాప్ సినిమా అనడానికి లేదు. ఈ సినిమా బయ్యర్స్ అందరికీ ప్రాఫిట్స్ అందించింది. 25 కేంద్రాల్లో 100 రోజుల వరకు ఆడింది. కాకపోతే నిర్మాతలు ఆశించిన లాభాలు అయితే దక్కలేదు. నేటితో అర్జున్ సినిమా రిలీజ్ అయ్యి 22 ఏళ్ళు పూర్తికావస్తోంది.