టాలీవుడ్ బాక్సాఫీస్ బరిలో 2023 సంక్రాంతికి పెద్ద యుద్ధమే జరగబోతోంది.. చిరు, బాలయ్య, అఖిల్, ప్రభాస్, విజయ్, అజిత్ లాంటి స్టార్లందరూ సమరానికి సై అంటున్నారు. నువ్వా నేనా అన్నట్టు కయ్యానికి కాలుదువ్వబోతున్నారు.. మేకర్స్ కూడా తెలుగు వారి పెద్ద పండుగ సంక్రాంతి సీజన్‌ని మిస్ చేసుకోకూడదని గట్టి ప్రయత్నాలే చేస్తున్నారు.. టాలీవుడ్ సినిమాలకే థియేటర్లు లేవంటే విజయ్ ‘వారసుడు’, అజిత్ ‘తునివు’ అనే డబ్బింగ్ బొమ్మలు కూడా మేము కూడా అప్పుడే వస్తాం అంటున్నాయి..
కట్ చేస్తే ‘ఆదిపురుష్’ లిస్టులో నుండి బయటకి వచ్చేసినట్లేనని తెలుస్తోంది.. ఎటు తిరిగి బిగ్ ఫైట్ అంటే మెగాస్టార్, నటసింహ మధ్యే.. ఈ రెండు చిత్రాల మధ్య అనుకోకుండా అలా కుదిరిపోయిన ఆసక్తికరమైన పోలికలు కొన్ని ఉన్నాయి.. చిరంజీవి చాలా గ్యాప్ తర్వాత తన మార్క్ మాస్ ఎంటర్‌టైనర్ ‘వాల్తేరు వీరయ్య’ చేస్తున్నాడు. బాబీ డైరెక్టర్.. శృతి హాసన్ హీరోయిన్.. అగ్ర నిర్మాణ సంస్థ మైత్రీ మూవీ మేకర్స్ నిర్మిస్తోంది..
రాక్ స్టార్ దేవి శ్రీ ప్రసాద్ మ్యూజిక్ కంపోజ్ చేస్తున్నాడు.. టైటిల్ టీజర్‌కి మంచి రెస్పాన్స్‌తో పాటు అంచనాలు కూడా పెరిగాయి.. నందమూరి బాలకృష్ణ తండ్రీ కొడుకులుగా ద్విపాత్రాభినయం చేస్తున్న ఫ్యాక్షన్ ఫిలిం.. ‘వీర సింహా రెడ్డి’.. గోపిచంద్ మలినేని దర్శకత్వంలో మైత్రీ వారే నిర్మిస్తున్నారు. శృతి హాసన్ కథానాయికగా నటిస్తుండగా.. యంగ్ మ్యూజిక్ సెన్సేషన్ థమన్ సంగీతమందిస్తున్నాడు. ఈ రెండు సినిమాలనూ మైత్రీ సంస్థే నిర్మించడం..
శృతి హాసన్ కథానాయిక కావడం, రెండు సినిమాల టైటిల్స్ ‘వీర’ తోనే మొదలవ్వడం.. పైగా రెండూ సంక్రాంతి సీజన్‌లోనే విడుదల కానుండడం.. ఇలా నాలుగు పోలికలు కుదిరాయన్న మాట.. ఇప్పటికే పలుసార్లు సంక్రాంతికి పోటీపడ్డ చిరు, బాలయ్య.. 5 ఏళ్ల తర్వాత మళ్లీ బాక్సాఫీస్ బరిలోకి దిగబోతున్నారు. చివరగా 2017 పొంగల్‌కి ‘ఖైదీ నెం:150’, ‘గౌతమిపుత్ర శాతకర్ణి’ చిత్రాలతో తలపడ్డారు. రెండూ మంచి విజయాన్ని, వసూళ్లనీ సాధించాయి.. ఈసారి ఎవరు పైచేయి సాధిస్తారో చూడాలి మరి..
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
