సంక్రాంతి లాగానే సమ్మర్ కు కూడా పోటీ షురూ..!

2020 సంక్రాంతికి పోటీ ఏ రేంజ్లో నడిచిందో ప్రత్యేకంగా చెప్పనక్కర్లేదు. 4 సినిమాలు పోటీ పడగా.. రెండు సినిమాలు హిట్ అయ్యాయి. ‘దర్బార్’ ‘సరిలేరు నీకెవ్వరు’ ‘అల వైకుంఠపురములో’ ‘ఎంత మంచివాడవురా’ వంటి చిత్రాలు విడుదలవ్వగా.. కేవలం ‘సరిలేరు’ ‘అల’ మాత్రమే హిట్ అయ్యాయి. ఇందులో ఫ్యామిలీ చిత్రం కాబట్టి ‘అల వైకుంఠపురములో’ సంక్రాంతి విన్నర్ గా నిలిచింది. ఇప్పుడు ఇదే రేంజ్ పోటీ సమ్మర్ కు కూడా మొదలుకాబోతుందని తెలుస్తుంది.

విషయం ఏమిటంటే.. ఏప్రిల్ 2 వ తేదీని కూడా ఏకంగా 4 క్రేజీ సినిమాలు టార్గెట్ చేసాయి. వీటిలో మెగాస్టార్ చిరంజీవి మేనల్లుడు అయిన వైష్ణవ్ తేజ్ ‘ఉప్పెన’, అనుష్క ‘నిశ్శబ్దం’, రానా ‘అరణ్య’ వంటి చిత్రాలు ఉన్నాయి. అంతేకాదు నాగ చైతన్య ‘లవ్ స్టోరీ’ చిత్రం కూడా అదే డేట్ కు విడుదల కాబోతున్నట్టు తెలుస్తుంది. అసలు మ్యాటర్ ఏంటంటే.. అసలైన సమ్మర్ అప్పుడే మొదలు కాబోతుంది.. టెన్త్ మరియు ఇంటర్మీడియేట్ పరీక్షలు కూడా అప్పుడే ముగియనున్నాయి కాబట్టి.. ఈ చిత్రాల దర్శక నిర్మాతలు అదే డేట్ కు రావడానికి రెడీ అవుతున్నట్టు తెలుస్తుంది. వీటిలో అడ్జస్ట్మెంట్ లు కూడా జరిగే అవకాశం ఉందని తెలుస్తుంది.

Most Recommended Video

జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!