శరవేగంగా షూటింగ్ పూర్తిచేసుకోబోతున్న 96 రీమేక్..!

పెద్ద సినిమాల నుండీ కంటే చిన్న సినిమాల నుండే ఎక్కువ వెనుకేసుకోవచ్చు అనే విషయం మన టాలీవుడ్ నిర్మాత దిల్ రాజు కి బాగా తెలుసు. పెద్దగా హడావిడి లేకుండా చిన్న సినిమాలు, మీడియం బడ్జెట్ సినిమాలతోనే ఎక్కువ కలెక్షన్లను రాబట్టుకుంటాడు దిల్ రాజు. అందుకే ఈయన్ని ‘సక్సెస్ ఫుల్ ప్రొడ్యూసర్’ అని అంటుంటారు. ఆయన జడ్జిమెంట్ 90 శాతం నిజమవుతుంది. ఒక కథ ఆయనకి నచ్చితే దాన్ని వెంటనే తెరకెక్కించేస్తుంటాడు. నిర్మాణ విలువలకి కూడా అస్సలు తగ్గడు. ఇక ఆయన నిర్మాణంలో 96 రీమేక్ రూపొందుతుంది. చాలా మంది హీరోల దగ్గరికి తిరిగి ఎట్టకేలకు పట్టాలెక్కించాడు.

• మహర్షి సినిమా రివ్యూ కోసం ఇక్కడ క్లిక్ చెయ్యండి
• మహర్షి డైలాగ్స్ కోసం ఇక్కడ క్లిక్ చెయ్యండి
• నువ్వు తోపురావ సినిమా రివ్యూ కోసం ఇక్కడ క్లిక్ చెయ్యండి
• జెర్సీ రివ్యూ కోసం ఇక్కడ క్లిక్ చెయ్యండి
• చిత్రలహరి రివ్యూ కోసం ఇక్కడ క్లిక్ చెయ్యండి

కోలీవుడ్ లో సూపర్ హిట్టయిన ’96’ లో త్రిష, విజయ్ సేతుపతి ప్రధాన పాత్రలు పోషించారు. ఇక ఈ తెలుగు రీమేక్ లో శర్వానంద్ – సమంత నటిస్తున్నారు. ’96’ ఒరిజినల్ ను డైరెక్ట్ చేసిన సి.ప్రేమ్ కుమార్ ఈ రీమేక్ ను కూడా డైరెక్ట్ చేస్తున్నాడు. ‘జానకీ దేవి’ అనే టైటిల్ పరిశీలనలో ఉంది. ఇక ఈ చిత్రం షూటింగ్ అప్పుడే 50 శాతం పైనే పూర్తయ్యిందట. హీరో శర్వానంద్ కి సంబందించి దాదాపు అన్ని సీన్స్ ఫినిష్ చేశారట. జూన్ ఎండింగ్ లేదా జులై మొదటి వారానికి ఈ చిత్రాన్ని పూర్తి చేసి ఆగస్ట్ లో విడుదల చేయాలని ప్లాన్ చేస్తున్నారు చిత్ర యూనిట్.