టాలీవుడ్ సూపర్ స్టార్ మహేష్ బాబు క్రేజ్ గురించి ప్రత్యేకంగా చెప్పనక్కర్లేదు. 2016 లో ‘బ్రహ్మోత్సవం’, 2017 లో వంటి డిజాస్టర్లు పడిన తరువాత మహేష్ పని అయిపోయిందని అందరూ అనుకున్నారు. కానీ ఆ కామెంట్లకి ఫుల్ స్టాప్ లు పెడుతూ ‘భరత్ అనే నేను’ ‘మహర్షి’ వంటి బ్యాక్ టు బ్యాక్ హిట్స్ ఇచ్చి తన స్టామినా ఏంటనేది చూపించాడు. ప్రస్తుతం అనిల్ రావిపూడి డైరెక్షన్లో ‘సరిలేరు నీకెవ్వరు’ చిత్రం చేస్తున్న మహేష్ ఈ చిత్రంతో హ్యాట్రిక్ కొట్టాలని.. కసిగా ఉన్నాడు. ఇక ఈయాన లేడీస్ అండ్ యూత్ ఫాలోయింగ్ గురించి ప్రత్యేకంగా చెప్పనక్కర్లేదు.
కుర్ర హీరోలు ఎంతమంది.. ఎన్ని హిట్లు కొట్టినా… మహేష్ కు యూత్ అండ్ లేడీస్ ఫాలోయింగ్ ఓ రేంజ్లో ఉంటుంది. అందుకే అనేక జాతీయ, అంతర్జాతీయ కంపెనీలు తమ ఉత్పత్తులకు బ్రాండ్ అంబాసిడర్ గా మహేష్ నే ఎంచుకుంటూ ఉంటారు. ఇక సోషల్ మీడియాలో కూడా మహేష్ ఫాలోయింగ్ పీక్స్ అనే చెప్పాలి. తాగాజా మహేష్ ట్విట్టర్ ఖాతాలో ఫాలోవర్స్ సంఖ్య ఎనిమిది మిలియన్స్ కి చేరడం విశేషం. టాలీవుడ్ టాప్ హీరోలందరి కంటే మహేష్ ముందున్నాడు. ఇక మహేష్ తరువాత ‘కింగ్’ నాగార్జున 5.8 మిలియన్, రానా 5.7 మిలియన్ ఫాలోవర్స్ తో రెండు, మూడు స్థానాల్లో ఉన్నారు.
