యంగ్ హీరో కోసం వెరైటీ టైటిల్!

January 21, 2021 / 05:58 PM ISTByFilmy Focus

Join Us

గతేడాది ‘అశ్వథ్థామ’ సినిమాతో సక్సెస్ అందుకున్న కుర్ర హీరో నాగశౌర్య సినిమాల విషయంలో జోరు పెంచాడు. ప్రస్తుతం అతడు మూడు సినిమాల్లో నటిస్తున్నాడు. అన్నీ సెట్స్ పైనే ఉన్నాయి. అలానే ఇప్పుడు కొత్త దర్శకుడు రాజాతో మరో సినిమా చేయడానికి సిద్ధమవుతున్నాడు. దాదాపు ఈ ప్రాజెక్ట్ కి సంబంధించి అన్నీ కుదిరినట్లే. ఇప్పుడు ఈ సినిమా కోసం ఓ వెరైటీ టైటిల్ అనుకుంటున్నట్లు తెలుస్తోంది.

ఈ మధ్యకాలంలో సినిమా టైటిల్స్ తోనే జనాలను ఆకర్షిస్తున్నారు మేకర్లు. దీంతో టైటిల్ విషయంలో చాలా జాగ్రత్తలు తీసుకుంటున్నారు. ఈ క్రమంలో శౌర్య సినిమా కోసం కూడా ఓ కొత్త టైటిల్ ను రిజిస్టర్ చేయిస్తున్నట్లు తెలుస్తోంది. ఇంతకీ ఆ టైటిల్ ఏంటంటే.. ‘పోలీస్ వారి హెచ్చరిక’. వెరైటీగా ఉంది కదా..? అందుకే ఇదే టైటిల్ తో శౌర్యతో సినిమా చేయబోతున్నారు. ఇందులో శౌర్య పోలీస్ పాత్రలో కనిపించడు కానీ అలాంటి ఎపిసోడ్ ఏదో ఉంటుందని సమాచారం.

ఈ సినిమాను రూపొందిస్తోన్న రాజా.. దర్శకుడు హరీష్ శంకర్ దగ్గర చాలా కాలం పని చేశారు. ఈ సినిమా కోసం ‘పటాస్’ లాంటి అవుట్ అండ్ అవుట్ యాక్షన్ స్టోరీను సిద్ధం చేశాడట దర్శకుడు. మహేష్ కోనేరు నిర్మించబోతున్న ఈ సినిమా టైటిల్ ను ఒకట్రెండు రోజుల్లో అఫీషియల్ గా అనౌన్స్ చేయనున్నారు.