సినిమా ఇండస్ట్రీలో అందం, అభినయంతో పాటు అదృష్టం ఉన్న హీరోయిన్లకు వరుసగా ఆఫర్లు వస్తూనే ఉంటాయి. ఉప్పెన సినిమాతో టాలీవుడ్ కు పరిచయమైన కృతిశెట్టి వయస్సులో చిన్న అయినా తన ప్రతిభతో తెలుగులో ప్రస్తుతం ఏ హీరోయిన్ లేనంత బిజీగా ఉన్నారు. ఉప్పెన సక్సెస్ తో రామ్, నాని, సుధీర్ బాబు సినిమాలలో ఛాన్స్ కొట్టేసిన కృతి మరో సక్సెస్ ఖాతాలో వేసుకుంటే మాత్రం స్టార్ హీరోల సినిమాల్లో కూడా ఆఫర్లు దక్కించుకునే అవకాశం ఉంది.
ఉప్పెన సినిమాతో కుర్రకారు హృదయాలను కొల్లగొట్టిన కృతిశెట్టి మంచి సింగర్ కూడా కావడం గమనార్హం. ఒక సందర్భంలో వైష్ణవ్ తేజ్ ఈ విషయాలను వెల్లడించారు. తాజాగా వైష్ణవ్ తేజ్ ఇన్ స్టాగ్రామ్ లో ఫ్యాన్స్ తో ముచ్చటించగా కృతిలో మంచి గాయని ఉందని త్వరలో ఆమె తన గాత్రంతో ఎంటర్ టైన్ చేసే రోజు వస్తుందని వైష్ణవ్ తేజ్ చెప్పుకొచ్చారు. మరి ఏ డైరెక్టర్ కృతిశెట్టికి తన సినిమాలో పాడే ఛాన్స్ కల్పిస్తారో చూడాల్సి ఉంది.
కృతి శెట్టి పాడే పాటలు ప్రేక్షకులను ఆకట్టుకుంటే భవిష్యత్తులో మ్యూజిక్ డైరెక్టర్లు కృతికి సింగర్ గా ఆఫర్లు ఇచ్చినా ఆశ్చర్యపోవాల్సిన అవసరం లేదు. కృతిశెట్టికి సినిమా ఆఫర్లు బాగానే వస్తున్నా ఆమె ఆచితూచి సినిమాలను ఎంపిక చేస్తుకుంటున్నారని తెలుస్తోంది. ప్రస్తుతం ఈ హీరోయిన్ పారితోషికం కోటి రూపాయలకు అటూఇటుగా ఉందని సమాచారం. ఓవర్ నైట్ లో స్టార్ స్టేటస్ ను సొంతం చేసుకున్న కృతి భవిష్యత్తులో మరిన్ని ఆఫర్లతో బిజీ అవుతారేమో చూడాల్సి ఉంది.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
