“పుష్ప 2”ను (Pushpa 2) ఎట్టిపరిస్థితుల్లోనూ డిసెంబర్ 6న ప్రేక్షకుల ముందుకు తీసుకువచ్చేందుకు ఏకంగా మూడు యూనిట్లతో షూటింగ్ చేయిస్తున్నారు. ఒక్కో యూనిట్ ఒక్కో సీన్ షూట్ చేస్తున్నారట. అల్లు అర్జున్ (Allu Arjun) పోర్షన్ అక్టోబర్ లోపు పూర్తి చేయాలని నిశ్చయించుకున్న సుకుమార్ (Sukumar).. పోస్ట్ ప్రొడక్షన్ పనులకు సంబంధించిన వర్క్ కూడా షురు చేశాడు. అయితే.. ప్రస్తుతం పుష్ప2 కోసం దర్శకుడు సుకుమార్, హీరో బన్నీ కంటే కూడా ఎక్కువగా కష్టపడుతున్న నటుడు ఫహాద్ ఫాజిల్ 9Fahadh Faasil).
ఫహాద్ కి దాదాపు 20 రోజుల షూట్ మిగిలి ఉందట. కానీ.. సుకుమార్ ఇంప్రవైజేషన్స్ పుణ్యమా అని ఆ సీన్లు ఇంకా పెరిగాయట. దాంతో.. తాను ఇచ్చిన డేట్స్ లో షూటింగ్ ఫినిష్ చేయడం కష్టం అని గుర్తించిన ఫహాద్ తన డేట్స్ ఎక్స్ టెండ్ చేసుకున్నాడట. అలాగే.. కుదిరినప్పుడల్లా డబుల్ షిఫ్ట్ లో కూడా పని చేస్తున్నాడట. ఇందుకోసం తన సొంత సినిమాలు కూడా పోస్ట్ పోన్ చేసుకున్నాడట. ఫహాద్ కష్టానికి పుష్ప2 టీమ్ ఫిదా అయ్యారట.
ముఖ్యంగా అల్లు అర్జున్ అయితే ఫహాద్ డెడికేషన్ కి సంతోషపడి అతడి కోసం స్పెషల్ గిఫ్ట్ ఏదైనా ఇవ్వాలని ప్లాన్ చేస్తున్నాడట. మరి ఇంతమంది ఎంతగానో కష్టపడి పని చేస్తున్న “పుష్ప2” అనుకున్నట్లుగా డిసెంబర్ 6కి ప్రేక్షకుల ముందుకు వచ్చి.. బ్లాక్ బస్టర్ హిట్ కొడితే అందరి కష్టానికి తగ్గ ప్రతిఫలం దక్కుతుంది.
ఇకపోతే.. టాకీ పార్ట్ కాకుండా బన్నీ & రష్మిక (Rashmika Mandanna) కాంబినేషన్ సాంగ్ మరియు సుకుమార్ మార్క్ స్పెషల్ ఐటెం సాంగ్ చిత్రీకరణ మిగిలివుంది. స్పెషల్ సాంగ్ కోసం బాలీవుడ్ సెన్సేషన్ తృప్తి కోసం ప్రయత్నిస్తున్నప్పటికీ.. ఆమె డేట్స్ అడ్జస్ట్ అవ్వకపోతుండడంతో, మరో ఆప్షన్ కోసం చాలా సీరియస్ గా వెతుకుతున్నారు దర్శకబృందం.
