సినిమా వాళ్లు సెంటిమెంట్లను బాగా నమ్ముతారు. ఆ మాటకొస్తే అందరూ నమ్ముతారు. కానీ సినిమా వాళ్లు అయితే ఎక్కువగా నమ్ముతారు. ఇప్పుడు సెంటిమెంట్‌ల గోల ఎందుకు అనుకుంటున్నారా? ఇటీవల జరిగిన ‘భాగ్‌ సాలే’ ప్రీ రిలీజ ఈవెంట్‌లో సినిమా హిట్‌ అవ్వడానికి ఉపయోగపడతాయనే సెంటిమెంట్‌ గురించి మాట్లాడారు కాబట్టే. ఇక్కడ విషయం ఏంటంటే.. ఆ సెంటిమెంట్‌ ఇప్పటివరకు టాలీవుడ్‌లో బాగా పని చేసింది కూడా. శ్రీ సింహా కోడూరి, నేహా సోలంకి ప్రధాన పాత్రల్లో రూపొందిన చిత్రం ‘భాగ్‌ సాలే’.
ప్రణీత్‌ బ్రహ్మాండపల్లి దర్శకత్వంలో రూపొందుతున్న ఈ సినిమా జులైన 7న రిలీజ్ చేస్తున్నారు. తొలుత సాదా సీదాగా ప్రచారం చేసిన టీమ్‌ ఇప్పుడు పెద్ద ఎత్తున ప్రచారం చేస్తోంది. దీని వెనుక ఓ కారణం ఉంది అది ఆఖరున చెబుతాం. ఇప్పుడు అయితే రాజీవ్‌ కనకాల సెంటిమెంట్‌ గురించి చూద్దాం. ప్రీ రిలీజ్ ఈవెంట్‌కి వచ్చిన యువ దర్శకుడు మల్లిడి వశిష్ట్‌ ఈ వ్యాఖ్యలు చేశారు. సినిమాలో రాజీవ్‌ కనకాల పాత్ర బతికి ఉండే ఆ సినిమాలు సూపర్‌ హిట్‌ అవుతాయని కామెంట్‌ చేశారు.
‘‘ఈ సినిమాలో రాజీవ్‌ కనకాల (Rajeev Kanakala) బతికే ఉన్నారు. అలా.. ఈ ఏడాది ఆయన అలా రెండు హిట్‌లు కొట్టారు. ‘విరూపాక్ష’, ‘సామజవరగమన’ అలా వచ్చిన విజయాలే. ఇప్పుడు ‘భాగ్‌సాలే’లో కూడా ఆయన పాత్ర బతికే ఉంది. కాబట్టి ఈ సినిమా సూపర్‌ హిట్‌ అవుతుంది అని కామెంట్‌ చేశారు. దీంతో ఆహుతులు నవ్వుకోగా, నెటిజన్లు నిజమే కదా అని కామెంట్స్‌ చేస్తున్నారు.
ఇక ఇందాక చెప్పాం కదా రాజమౌళి విషయం.. అసలు ఆయన ఏమన్నారంటే? ‘భాగ్‌ సాలే’ సినిమా ట్రైలర్‌ చూశాక శ్రీసింహాకు రాజమౌళి ఫోన్‌ చేసి ‘సినిమా హిట్‌ అయ్యేలా ఉంది. కాస్త పుష్‌ చేయండి’ అన్నారట. ఆ మాటను ప్రశంసగా తీసుకుని ముందుకెళ్తున్నాం అని ప్రణీత్‌ చెప్పారు. అదన్నమాట ఈ సినిమా ప్రమోషన్ల జోరు సంగతి.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
Home