Young Actor: అర్థరాత్రి గురించి షాకింగ్ విషయాలు వెల్లడించిన యువ నటుడు..

March 30, 2023 / 07:19 PM ISTByFilmy Focus

Join Us

Young Actor: అర్థరాత్రి గురించి షాకింగ్ విషయాలు వెల్లడించిన యువ నటుడు..

కాస్టింగ్ కౌచ్ అనేది సినిమా ఇండస్ట్రీలో ఏదో ఒక విభాగంలో నిత్యం జరిగే తంతే.. ఇప్పటికే ఎంతోమంది నటీమణులు తమకెదురైన చేదు సంఘటనల గురించి చెప్పి షాక్ ఇచ్చారు.. ఈ నేపథ్యంలో హాలీవుడ్‌లో మొదలైన మీటూ ఉద్యమం ప్రపంచవ్యాప్తంగా సినీ రంగాన్ని షేక్ చేసేసింది.. లీక్స్ పేరుతో పలువురు ప్రముఖుల బాగోతాలు బట్టబయలయ్యాయి.. ఏ క్షణాన ఎవరి పేరు తెరమీదకి వస్తుందోనని తెరవెనుక వణికిపోయారు చాలామంది.. తరచూ ఈ వ్యవహారం గురించి సెలబ్రిటీలు మాట్లాడుతూనే ఉన్నారు..

హైలెట్ ఏంటంటే.. కాస్టింగ్ కౌచ్ ఉదంతంలో కేవలం మహిళలే కాదు.. మగవారు కూడా బాధితులే.. అదిరిపోయే కామెడీ ఏంట్రా అంటే.. మగవారు, మగవారిని ట్రాప్ చేయడం.. తెలిసే వరకు ఇలాంటి చెండాలపు సంఘటనలు చాలా జరుగుతూనే ఉంటాయి.. ఇటీవల పాపులర్ యాక్టర్, పొలిటిషియన్ రవి కిషన్ తనకు ఎదురైన సంఘటన గురించి చెప్పగా ఆ వార్త వైరల్ అయ్యింది.. తాజాగా ఈ లిస్టులో మరో యువ నటుడు వచ్చి చేరాడు..

హిందీ బిగ్ బాస్ సీజన్ – 16లో పార్టిసిపెట్ చేసి మంచి గుర్తింపు తెచ్చుకుని.. ఇప్పుడిప్పుడే సినిమా అవకాశాలు అందిపుచ్చుకుంటున్నాడు శివ ఠాక్రే.. అయితే కెరీర్ స్టార్టింగ్‌లో తను కూడా ఇలాంటివి ఫేస్ చేశానని చెప్పుకొచ్చాడు.. ‘‘ముంబై వచ్చాక.. సినీ ఫీల్డ్‌లో అమ్మాయిలకే కాదు.. అబ్బాయిలకు కూడా గండాలు ఎదురవుతాయని తెలిసింది.. ఒకసారి ఆడిషన్‌కి వెళ్తే.. ఆ డైరెక్టర్ నన్ను వాష్ రూంలోకి తీసుకెళ్లి.. ‘ఇక్కడ ఒక మసాజ్ సెంటర్ సెటప్ ఉంది.. ఆడిషన్ అయిపోయాక అక్కడికి రా నీతో పనుంది’ అని చెప్పాడు..

ఎలాగొలా అక్కడి నుండి ఎస్కేప్ (Young Actor) అయ్యాను.. తర్వాత ఓ మహిళ రాత్రి 11 గంటలకు ఆడిషన్ ఉంది రా అంది.. అర్థరాత్రి ఆడిషన్ ఏంట్రా బాబు అనుకున్నా.. తనకు నాలుగు బంగళాలు ఉన్నాయని.. ఎంతోమందిని స్టార్లను చేశానని గొప్పలు చెప్పుకొచ్చింది.. ఆ టైంలో ఆడిషన్ అంటే కుదరదు అని చెప్పా.. దాంతో.. ‘నీకు ఇండస్ట్రీలో పని చేయాలని లేదా?.. నువ్వు రాత్రికి రాకపోతే నీకు పనే దొరకదు’ అని బెదిరించింది’’.. అని చెప్పుకొచ్చాడు..