వెంకటేష్, త్రివిక్రమ్ కాంబినేషన్‌లో ‘ఆదర్శ కుటుంబం..’ (Aadarsha Kutumbam AK 47) సినిమా రూపొందింది. సినిమా షూటింగ్ ఎప్పుడో పూర్తయ్యింది. 2 సార్లు రిలీజ్ పోస్ట్-పోన్ అయ్యింది కూడా..! టీజర్ మినహా ప్రమోషనల్ కంటెంట్ ఏమీ ఆకట్టుకోలేదు. తమన్ సంగీతం అందిస్తున్న ఈ సినిమా నుండీ ఫస్ట్ సింగిల్ గా ‘నారాయణమ్మా’ అనే సాంగ్ వచ్చింది. దానికి నెగిటివ్ రెస్పాన్స్ వచ్చింది. ఇప్పుడు సెకండ్ సింగిల్ గా ‘మాలా’ అనే పాట వచ్చింది.
వెంకటేష్ శ్వాగ్, హీరోయిన్ నివేదా పేతురాజ్ గ్లామర్ ఈ పాటకి అట్రాక్షన్ అయ్యాయి. సినిమాటోగ్రాఫర్ మంచి విజువల్స్ అందించారు. పాట కోసం వేసిన సెట్ కూడా బాగుంది. కానీ తమన్ ట్యూన్ పూర్తిగా తేడా కొట్టేసింది. ఈ పాట వింటుంటే ఎటువంటి వైబ్ రావడం లేదు, పైగా ఎక్కడో పాత క్యాసెట్ ప్లే అవుతున్న ఫీలింగ్ కలుగుతుంది. తమన్ ట్యూన్స్ కి నెగిటివ్ రెస్పాన్స్ రావడం కొత్తేమీ కాదు. కానీ ఈ ‘మాలా’ పాట వింటుంటే చాలా ‘టేక్ ఇట్ గ్రాంటెడ్’ గా తీసుకున్నాడేమో అనే ఫీలింగ్ కలుగుతుంది.
‘లెట్స్ క్రష్ ది ఫ్లోర్’ అంటూ ఇంగ్లీష్ కోరస్‌తో మోడ్రన్ గా మొదలైన ఈ పాట అసలు గుట్టు కాస్త ముందుకు వెళ్లాక బయటపడుతుంది. ‘ప్రతిరోజూ పండగే’ సినిమాలో ‘ఓ బావ’ పాటని అటు తిప్పి ఇటు తిప్పి కొట్టేశాడు. ‘ఎంత హ్యాండ్సమ్ లే మా బావా’ మీటర్, ఆ ఫాస్ట్ బీట్ డ్రమ్స్, ఆ ఫ్లో… అచ్చు గుద్దినట్టు ‘మాలా’ ట్రాక్ లోకి దిగిపోవడం షాకిచ్చే అంశం. సినిమా వాయిదా పడటంతో, బజ్ తగ్గకుండా చూసుకోవాలంటే మేకర్స్ కి కొంచెం ఇన్స్టా రీల్స్ మెటీరియల్ అవసరం. అందుకే ఈ పాటని దించారు.
తమన్ కి టైం కూడా లేకపోవడంతో ఆల్రెడీ హిట్టయిన పాత ‘ఓ బావా’ స్టైల్లో ఓ పాటని కంపోజ్ చేసి వదిలేశాడు. సాధారణంగా దర్శకుడు త్రివిక్రమ్ కూడా మ్యూజిక్ విషయంలో కాంప్రమైజ్ అయ్యే రకం కాదు. కానీ ఆయన కూడా లైట్ తీసుకున్నట్టు ఉన్నారు. రామజోగయ్య శాస్త్రి లిరిక్స్ కూడా చాలా డబుల్ మీనింగ్ తో ఉన్నాయి. ఇక ఈ పాట సినిమా ప్రమోషన్ కి ఎంత వరకు కలిసొస్తుందో.. మేకర్స్ కే తెలియాలి. మీరైతే ఒకసారి చూస్తూ వినండి :
