నచ్చక పోతే నా సినిమాలు చూడకండి:ఆది

టాలీవుడ్ విలక్షణ నటుడు, డైలాగు కింగ్ సాయికుమార్ తనయుడు యంగ్ హీరో ఆది ‘ప్రేమ కావాలి’ చిత్రంతో వెండితెర ప్రేక్షకులకు పరిచయమైన ఆ చిత్ర విజయం తర్వాత ఇప్పటివరకు సరైన హిట్ ని సాధించలేక పోయిన హీరో ఆది తను నటించిన ‘గరం’ చిత్రంపై కొన్ని ఆసక్తికర కామెంట్స్ చేశాడు. తాజాగా ఆది, అదాశర్మ జంటగా నటించిన ‘గరం’ చిత్రం ఈ నెల 12న విడుదలైన సంగతి తెలిసిందే. అందులో భాగంగా ఈ సినిమాపై ఓ టీవీ ఛానెల్ కు ఇచ్చిన ఇంటర్వ్యూలో మాట్లాడుతూ ‘తాను నటించిన ‘గరం’ చిత్రం ప్రేక్షకులకు ఏమాత్రం బోరు కొట్టించదని, ఈ చిత్రం మాత్రం ఫ్యామిలీలను ఆకట్టుకుంటుందని నేను కచ్చితంగా చెప్పగలనని’ ఆది తెలిపాడు.

గరం చిత్రంలో క్లైమాక్స్ సన్నివేశాలు చాలా సెంటిమెంట్ తో ఉంటుందని, కచ్చితంగా ప్రేక్షకులు ఆ సన్నివేశాలకు కనెక్ట్ అవుతారని తెలిపాడు. ఈ చిత్రం చూసిన తర్వాత ఎవరైనా నిరాశ చెందితే ఇక తన చిత్రాలను చూడవద్దని ఆది చెప్పుకొచ్చాడు. కాని విడుదలైన తర్వాత ఈ చిత్రం మిక్స్డ్ రిసల్ట్ తో థియేటర్స్ లో రన్ అవుతుంది. చిత్రంపై ఎంతో నమ్మకంతో ఉన్న ఆది ఇటువంటి కామెంట్స్ చేయడం పలువురిని ఆశ్చర్యపరిచింది.