వరుస విజయాలతో ఇండస్ట్రీలో నాకెవ్వరూ వద్దు, నాకు నేను చాలు అంటూ ఓ రేంజిలో ఊగిపోయిన కంగన రనౌత్‌కి… ఇప్పుడు ఇతరుల అవసరం తెలుస్తున్నట్టుంది. అందుకే తనకు గతంలో సాయం చేయని హీరోల గురించి, ఇప్పుడు స్నేహంగా ఉన్న హీరోల గురించి చెబుతోంది. ఈ క్రమంలో ఆమిర్‌ ఖాన్‌పై దుమ్మెత్తి పోసిన కంగన… సల్మాన్‌ ఖాన్‌ను ఆకాశానికెత్తేసింది. ఆమె నటించిన ‘ధాకడ్‌’ సినిమా ప్రచారం పనుల్లో ఆమె బిజీగా ఉంది. ఈ క్రమంలోనే కొన్ని ఆసక్తికర విషయాలు వెల్లడించింది.
నెపోటిజం అంటూ గత కొన్నేళ్లుగా బాలీవుడ్ స్టార్ హీరోలు, నిర్మాతలు దర్శకులపై విరుచుకుపడిన కంగన రనౌత్‌ ఇటీవల సల్మాన్‌ ఖాన్ ఇంట్లో జరిగిన పార్టీలో పాల్గొని షాక్‌కు గురిచేసింది. బీటౌన్‌ వాళ్లపై హాట్‌ కామెంట్స్ చేసే కంగన.. ఇలా పార్టీలో ఎందుకు పాల్గొంది అంటూ విమర్శలు వచ్చాయి. దీనిపై కంగన స్పందించింది. ‘‘బాలీవుడ్ సెలబ్రిటీల పార్టీల్లో పాల్గొనకూడదని నేనెమీ అనుకోలేదు. ఇది పూర్తిగా నా వ్యక్తిగత నిర్ణయం. అలానే సల్మాన్‌ ఖాన్ ఇంట్లో రంజాన్‌ వేడుకల్లో పాల్గొన్నాను’’ అని చెప్పింది కంగన.
ఈ విషయంలో చాలామంది నాపై కామెంట్లు చేస్తున్నారు. సల్మాన్‌ నాకు మంచి స్నేహితుడు. పార్టీకి రమ్మని ఫోన్‌ చేసి ఆహ్వానిస్తేనే వెళ్లాను. నేను నటించిన సినిమాను సోషల్‌ మీడియా వేదికగా ఆయన ప్రమోట్‌ చేశారు అని కూడా చెప్పింది. అక్కడితో ఆగకుండా గతంలో తన సినిమాను ప్రమోట్‌ చేయని ఆమిర్‌ ఖాన్‌పై అక్కసు వెళ్లగక్కింది కంగన. ‘మణికర్ణిక’ విడుదలైన సమయంలో నేను ఆమిర్‌ ఖాన్‌కి ఫోన్‌ చేశా. నా సినిమా ప్రమోట్‌ చేయమని అడిగాను. దానికి ఆయన నుండి ఎలాంటి సమాధానం లేదు’’ అని చెప్పింది కంగన.
అంతకుముందు ఆమిర్‌ ఖాన్ సినిమాలు ‘దంగల్‌’, ‘పీకే’ ట్రైలర్స్‌ని సోషల్‌ మీడియాలో పోస్ట్‌ చేశా… ఆయన అడిగితేనే నేను అలా ప్రమోట్‌ చేశానని చెప్పింది కంగన. అలా తన సినిమాలను నాతో ప్రమోట్‌ చేయించుకొని నా సినిమాల దగ్గరకు వచ్చేసరికి ముఖం చాటేశారని ఆమిర్‌ గురించి చెప్పింది కంగన. మరి దీనిపై ఆమిర్‌ ఏమన్నా స్పందిస్తారేమో చూడాలి.
Most Recommended Video
‘తొలిప్రేమ’ టు ‘ఖుషి’.. రిపీట్ అవుతున్న పాత సినిమా టైటిల్స్ ఇవే..!
ఈ 12 మంది మిడ్ రేంజ్ హీరోల కెరీర్లో అత్యధిక కలెక్షన్లు రాబట్టిన సినిమాలు ఇవే..!
ఈ 10 మంది సౌత్ స్టార్స్ తమ బాలీవుడ్ ఎంట్రీ పై చేసిన కామెంట్స్ ఏంటంటే..!
Home