Aamir Khan: మాజీ భార్యలపై స్టార్ హీరో కామెంట్స్!

బాలీవుడ్ దర్శకనిర్మాత కరణ్ జోహార్ ‘కాఫీ కరణ్’ అనే షోని హోస్ట్ చేస్తోన్న సంగతి తెలిసిందే. ఇప్పటికే ఈ షో ఆరు సీజన్లను సక్సెస్ ఫుల్ గా కంప్లీట్ చేసుకుంది. ఇప్పుడు ఏడో సీజన్ నడుస్తోంది. ఈ షోను ఓటీటీ ప్లాట్‌ఫామ్‌ హాట్‌స్టార్‌లో స్ట్రీమింగ్ చేస్తున్నారు. ఈసారి బాలీవుడ్ సెలబ్రిటీస్ తో పాటు సౌత్ సెలబ్రిటీలను కూడా ఇంటర్వ్యూలు చేస్తున్నారు. ఇప్పటికే సమంత, విజయ్ దేవరకొండ లాంటి సెలబ్రిటీలు ఈ షోలో సందడి చేశారు.

తాజాగా ‘లాల్ సింగ్ చద్దా’ టీమ్ ను ఈ షోకి గెస్ట్ లుగా తీసుకొచ్చారు కరణ్ జోహార్. ఆమిర్ ఖాన్, కరీనా కపూర్ అతిథులుగా వచ్చారు. వారికి గ్రాండ్ వెల్కమ్ చెప్పిన కరణ్.. వారిని నవ్విస్తూనే మరోపక్క కొన్ని సీక్రెట్స్ బయటకు లాగారు. ఆమిర్ ఖాన్ రెండు పెళ్లిళ్లు చేసుకున్నారు. తన ఇద్దరి భార్యలకు ఆయన విడాకులు ఇచ్చారు. అయినప్పటికీ.. వారితో మంచి రిలేషన్ మెయింటైన్ చేస్తున్నట్లు చెప్పారు. తన రిలేషన్‌షిప్‌లో ప్రేమ, గౌరవాన్ని ఇచ్చిపుచ్చుకోవడం ఉన్నాయే తప్ప క్రూరమైన క్షణాలంటూ ఏమీ లేవని అన్నారు.

తన మాజీ భార్యలిద్దరి మీద తనకు ఎంతో గౌరవం ఉందని.. ఇప్పటికీ తామంతా ఓ కుటుంబంలా ఉంటామని చెప్పారు. తమ జీవితాల్లో ఎంత బిజీగా ఉన్నప్పటికీ.. వారానికొకసారైనా.. తప్పకుండా అందరం కలుసుకుంటామని అన్నారు. తమ మధ్య కేరింగ్, ప్రేమ, అభిమానం అలానే ఉన్నాయని చెప్పుకొచ్చారు. రీనాను ఆమిర్ ఖాన్ 1986లో పెళ్లి చేసుకున్నారు. వీరికి ఇద్దరు పిల్లలు ఉన్నాయి.

దాదాపు 16 ఏళ్ల పాటు కలిసి జీవించిన ఈ జంట 2022లో విడాకులు తీసుకున్నారు. ఆ తరువాత దర్శకనిర్మాత కిరణ్ రావుని ప్రేమించి పెళ్లి చేసుకున్నారు ఆమిర్ ఖాన్. 2005లో వీరి వివాహం జరిగింది. ఈ దంపతులకు ఐవీఎఫ్ పద్ధతి ద్వారా ఆజాద్ రావు ఖాన్ జన్మించారు. గతేడాదిలోనే ఈ జంట విడాకులు తీసుకుంది. కానీ ప్రొఫెషనల్ గా వీరిద్దరూ కలిసి పని చేస్తూనే ఉన్నారు.

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?