ఏదైనా కలల చిత్రాన్ని తెరకెక్కిస్తున్నారు అంటే.. ఆ తర్వాత ఇక రిటైర్‌ అవుతారు అని అనుకుంటూ ఉంటారు మన సినిమా పరిశ్రమలో. గతంలో కొంతమంది ఇలా చేశారు. అయితే ఆ మాటను అందరికీ అనుకోవడం సరికాదు. ఇప్పుడు బాలీవుడ్‌ ప్రముఖ నటుడు ఆమిర్‌ ఖాన్‌ కూడా ఇదే మాట అంటున్నాడు. కొంతమంది అనుకుంటున్నట్లుగా నా కలల సినిమా ‘మహా భారతం’ (mahabaratam) తర్వాత నేను రిటైర్‌ అవ్వడం లేదు అంటూ క్లారిటీ ఇచ్చేశారు. అంతేకాదు తన వ్యాఖ్యలు తప్పుగా అర్థం చేసుకున్నారు అని కూడా కౌంటర్‌ వేశారు.
ఇంతకీ ఏమైందంటే.. ఆమిర్‌ ఖాన్‌ (Aamir Khan) ఇటీవల ఓ ఇంటర్వ్యూలో మాట్లాడుతూ తాను నటనకు స్వస్తి పలకడం గురించి మాట్లాడారు. ఆ తర్వాత ‘మహాభారతం’ ప్రాజెక్ట్‌ గురించి కూడా మాట్లాడారు. దీంతో ఆ సినిమా తర్వాత ఆమిర్‌ (Aamir)నటనకు రిటైర్మెంట్‌ తీసుకుంటారు అని అన్నాడని భావించారు. ఇప్పుడు వాటికే ఆమిర్‌ క్లారిటీ ఇచ్చాడు. ‘‘మహాభారతం’ నా చివరి సినిమా కాదు. నా సమాధానాన్ని ప్రజలు తప్పుగా అర్థం చేసుకున్నారు అని క్లారిటీ ఇచ్చాడు.
మీరు ఏదైనా సినిమా తర్వాత నటనకు స్వస్తి పలికే అవకాశం ఉందా? అని ఎవరో అడిగితే.. ఏదైనా పాత్ర చేసినప్పుడు సంతృప్తి అనిపిస్తే అప్పుడు సంతోషంగా వెళ్లిపోతాను అని చెప్పాను. అంతేకా ఫలానా సినిమా చేశాక వెళ్లిపోతాను అని అనలేదు. అయితే నా కలల ప్రాజెక్ట్‌ ‘మహా భారతం’ చేశాక రిటైర్‌ అవుతాను అని అనలేదు అని క్లారిటీ ఇచ్చాడు ఆమిర్‌. అయితే ఆ రోజు ఈ వెంట్‌లో ఆమిర్‌ మాట్లాడుతూ ఏదైనా సినిమా తర్వాత ఇండస్ట్రీలో నటుడిగా చేయడానికి ఇక ఏమీ లేదనే భావన నాకు కలిగితే అప్పుడు వెళ్లిపోతా అని అన్నాడు.
ఆ భావన కలగడానికి కలల ప్రాజెక్ట్‌కు మించిన అవకాశం ఇంకా ఏముంటుంది అనే ఆలోచనతో అదే లాస్ట్ సినిమా, ఆ తర్వాత రిటైర్మెంట్‌ అనే మాట బయటకు వచ్చింది. సో కలల ప్రాజెక్ట్‌ అనే మాట ఇన్ని ఇబ్బందులు తెచ్చిందన్నమాట.
