‘మహాతల్లి’తో ఆటాడుకుందాం!!!

టాలీవుడ్ లో తీస్తున్న సినిమాలు ఎంతవరకూ ప్రేక్షకులను మెప్పిస్తున్నాయో తెలీదు కానీ.,..యువత తమ మదిలోని భావాలని తమదైన శైలిలో తెరకెక్కించి స్క్రీన్ పై తమ టాలెంట్ ను తాము చూసుకునే ప్రయత్నాన్ని యూట్యూబ్ ఛానెల్స్ కల్పిస్తున్నాయి. అలా యూట్యూబ్ ఛానెల్స్ లో పాపులర్ ఛానెల్ గా మారి ఎన్నో ఆహ్లాదకరమైన కార్యక్రమాలను నిర్వహిస్తుంది మన వైరల్లి సౌత్ ఛానెల్…అలా వారు నిర్వహించిన వాటిల్లో అత్యంత ప్రేక్షక ఆదరణ పొందింది “మహాతల్లి” అనే తెలుగు కామెడీ వెబ్ సీరీస్.

దాశెట్టి జాహ్ణవి ని సరికొత్తగా చూపిస్తూ, చిత్రీకరిస్తు…ఆమెలోని…నటనని, అమాయకత్వాన్ని, టాలెంట్ ని, ఒక్కోసారి కోపాన్ని, మరికొన్ని సార్లు ఆమె ఇష్టాలను కధకు అనుగుణంగా తెరకెక్కిస్తూ ప్రేక్షకులకు గిలిగింతలు పెట్టిస్తున్నారు…అందులో భాగంగానే తాజాగా అక్కినేని సుశాంత్ నటించిన ‘ఆటాడుకుందాం…రా’ సినిమా ప్రమోషన్ లో భాగంగా చేసిన ‘ఆటాడుకుందాం’ షార్ట్ ఫిల్మ్, ఫీల్ గుడ్ ఫిల్మ్ గా గిలిగింతలు పెట్టిస్తుంది. అందులో ముఖ్యంగా సుశాంత్ తో కలసి మహాతల్లి జాహ్ణవి చేసిన హంగామా, హడావిడి అంతా ఇంతా కాదు…. సుశాంత్ కరియర్ లో సూపర్ హిట్ కోసం ఎదురు చూస్తున్న సమయంలో మంచి సక్సెస్ టాక్ తో దూసుకుపోతున్న ఈ సినిమాని ప్రమోట్ చేసే పనిలో భాగంగా ఈ సీరీస్ తెరకెక్కించడం జరిగింది.

ఇక ఈ సీరీస్ లో మూడు డిఫరెంట్ పాత్రల్లో జాహ్ణవి నటన అందరినీ మెస్మరైజ్ చేస్తుంది. ముఖ్యంగా సుశాంత్ ఫ్రెండ్ గా నటిస్తూనే…ఒక ఈగోయిస్టిక్ అమ్మాయిగా మరో పాత్రలో ఆమె పాత్ర సూపర్ గా ఉంది. పాష్ కల్చర్ ఉన్న అమాయిలు ఇలానే ఉంటారేమో అన్నట్లుగా ఉంది. అంటే కాకుండా మరో పక్క సుశాంత్ ఫ్రెండ్ కు లైన్ వేసే ఒక టోపీ పెట్టుకున్న కుర్రాడి పాత్రలో కూడా జాహ్ణవి భ్రహ్మాండంగా నటించి మెప్పించింది. ఇలా ఎప్పటికప్పుడు తనదైన శైలిలో డిఫరెంట్ క్యారెక్టర్స్ తో సరికొత్త కాన్సెప్ట్స్ తో  మహాతల్లి జాహ్ణవి,ముఖ్యంగా వైరల్లి సౌత్ వాళ్ళు దూసుకుపోవాలని ఆశిస్తున్నాం.