Abhay Naveen Eliminated: ‘బిగ్‌బాస్‌ 8’ నుండి అభయ్‌ ఔట్‌.. 8 ఏళ్లలో తొలిసారి రెడ్‌ కార్డుతో ఫైర్‌!

బిగ్ బాస్‌ 8 సీజన్‌లో స్ట్రాంగెస్ట్‌ కంటెస్టెంట్‌ ఎవరు? అని అడిగితే వినిపించే పేర్లలో కచ్చితంగా ఉండే పేరు అభయ్‌ నవీన్‌ (Abhay Naveen) . సీజన్‌ మొదలైనప్పటి నుండి ఆయన టాప్‌లో ఉంటూనే వచ్చాడు. ఈ క్రమంలో ఈ వారం ఓ క్లాన్‌కి చీఫ్‌ కూడా అయ్యాడు. ఫిజికల్‌ టాస్క్‌ల్లో, హౌస్‌లో యాక్టివ్‌గా ఉంటూ తను వచ్చింది గెలవడానికి అని చెప్పకనే చెప్పేవాడు. కానీ ప్రభావతి గుడ్డు టాస్క్‌ తర్వాత పరిస్థితి మారిపోయింది. ఈ క్రమంలో అభయ్‌కి రెడ్‌ పడింది.

Abhay Naveen

బిగ్‌బాస్‌ సీజన్‌ 8 మూడో వారం ముగింపునకు వచ్చింది. వీకెండ్‌లో వ్యాఖ్యాత నాగార్జున వచ్చి, గత వారం రోజులుగా హౌస్‌మేట్స్‌ చేసిన విషయాలను చెప్పడానికి సిద్ధమైపోయారు. ఈ క్రమంలో అభయ్‌ నవీన్‌పై నాగార్జున తీవ్ర స్థాయిలో మండిపడ్డారు. రెడ్‌ కార్డు చూపిస్తూ ‘బిగ్‌బాస్‌ హౌస్‌’ నుండి వెళ్లిపోమంటూ ఆగ్రహం వ్యక్తం చేశారు. శనివారం ప్రోమోలో ఈ మేరకు చూపించారు కూడా. ఎందుకంటే గత వారం రోజులుగా అభయ్‌ బిగ్‌బాస్‌పై విమర్శలు చేస్తూనే ఉన్నాడు.

‘ఆయనకే తెలియదు ఏమవుతోందో.. వాళ్లింట్లో పెళ్లాం కొట్టినప్పుడల్లా టాస్క్‌ మారుస్తున్నాడు’.. అని ఓసారి ‘బిగ్‌ బాస్‌ కాదు.. నువ్వు బయాస్డ్‌ బాస్‌’ అంటూ మరోసారి బిగ్‌బాస్‌పైన, కార్యక్రమంపైనా తీవ్ర వ్యాఖ్యలు చేశాడు. ఇప్పటికే ఈ విషయం బిగ్‌ బాస్‌ రియాక్ట్‌ అయ్యి అభయ్‌ క్లాన్ చీఫ్‌ను పీకేశాడు. ఇప్పుడు నాగార్జున కూడా అదే స్థాయిలో అభయ్‌కు క్లాస్‌ తీసుకున్నాడు.

‘ఈ ఒక్కసారి క్షమించండి’ అని అభయ్‌ వేడుకున్నాడు కూడా. అయితే బిగ్‌బాస్‌ మీద గౌరవం లేకపోతే, ఉపేక్షించను. బలవంతంగా రెడ్‌ కార్డు ఇస్తున్నా. గెట్‌ అవుట్‌ ఆఫ్ ది హౌస్‌ అంటూ అభయ్‌ను బయటకు పంపించేశారు. నాగార్జున చేసిన పనికి హౌస్‌మేట్స్‌ షాక్‌ అయిపోయారు. ఈసారికి అవకాశం ఇవ్వాలని వారు నాగార్జునను బతిమలాడారు. కానీ అభయ్‌ విషయంలో నాగార్జున మెత్తబడలేదు. దీంతో షో నుండి బయటకు వచ్చేశాడు.