భల్లాలదేవ తమ్ముడు కూడా హీరోనే!

దగ్గుబాటి వంశం నుండి విక్టరీ వెంకటేష్ హీరోగా వచ్చి ఇండస్ట్రీలో టాప్ హీరోలలో ఒకరిగా రాణించాడు. వెంకటేష్ తరువాత వారి కుటుంబం నుండి రానా హీరోగా ఎంట్రీ ఇచ్చాడు. తెలుగులోనే కాకుండా తమిళ, హిందీ భాషల్లో కూడా రానాకు మంచి పేరు ఉంది. బాహుబలి సినిమాతో ఇంటర్నేషనల్ వైడ్ క్రేజ్ సంపాదించుకున్న ఈ హీరోగారి తమ్ముడు కూడా హీరోనే అవుతాడట. రానా సొంత తమ్ముడు అభిరామ్ మాస్ కమ్యూనికేషన్స్ పూర్తి చేసి ఇప్పటివరకు సురేష్ ప్రొడక్షన్స్ నిర్మాణ బాద్యతలు చూస్తూ వచ్చాడు.

అయితే హీరో అవ్వాలనేది అభిరామ్ కల. దీనికోసం వైజాగ్ సత్యానంద్ దగ్గర యాక్టింగ్ కోర్సులో శిక్షణ తీసుకున్నాడు. కొంతకాలంగా సినిమా కోసం కథలు వింటున్నాడని సమాచారం. అన్నీ కుదిరితే సురేష్ ప్రొడక్షన్స్ బ్యానర్ లోనే హీరోగా అభిరామ్ మొదటి సినిమా ఉంటుందని తెలుస్తోంది. అయితే రీసెంట్ గా ఓ ఛానల్ కు ఇచ్చిన ఇంటర్వ్యూలో హీరోగా ఉంటూనే.. ప్రొడక్షన్ లో కంటిన్యూ అవుతానని అభిరామ్ తెలిపారు.