Abhishek Bachchan: షూటింగ్ లో గాయాలపాలైన అభిషేక్ బచ్చన్

ఇటీవల లూడో, బిగ్ బుల్ సినిమాలతో ప్రేక్షకులు ముందుకు వచ్చి మంచి సక్సెస్ అందుకున్న బాలీవుడ్ బిగ్ బి తనయుడు అభిషేక్ బచ్చన్ ప్రస్తుతం ఒక భారీ రీమేక్ మూవీలో నటిస్తున్నారు. ఇక తరచూ తన సినిమాల విషయమై ఎంతో జాగ్రత్తగా కేర్ తీసుకుంటూ, ఎటువంటి పాత్రని అయినా ఛాలెంజింగ్ గా తీసుకుని పోషించే అలవాటున్న అభిషేక్, ప్రస్తుతం తమిళ మూవీ ఒత్తు సేరుప్పు సైజ్ 7 హిందీ రీమేక్ లో నటిస్తున్నారు.

మంచి యక్షన్ తో కూడిన థ్రిల్లర్ మూవీగా రూపొందిన ఈ సినిమా ఒరిజినల్ వర్షన్ లో సీనియర్ యాక్టర్ పార్థిపన్ నటించారు. ఆయనే స్వయంగా నిర్మిస్తూ దర్శకత్వం వహించిన ఈ సినిమా హిందీ రీమేక్ రైట్స్ భారీ ధరకు కొనుగోలు చేసిన అభిషేక్ కూడా సొంతంగా దీనిని నిర్మిస్తూ నటిస్తుండడం విశేషం. ఇక ఈ సినిమాని కూడా హిందీలో పార్తీపన్ తీస్తున్నారు. ప్రస్తుతం చెన్నైలో కీలక సన్నివేశాల చిత్రీకరణ జరుగుతుండగా నేడు ఉదయం హఠాత్తుగా హీరో అభిషేక్ బచ్చన్ చేతికి కొంత బలంగా గాయం అయినట్లు తెలుస్తోంది.

అయితే వెంటనే అప్రమత్తమైన యూనిట్, ఆయనని దగ్గర్లోని ప్రైవేట్ ఆసుపత్రికి తరలించగా, ఫస్ట్ ఎయిడ్ ఆడించిన డాక్టర్లు ఆయనకు కొన్నాళ్ల పాటు రెస్ట్ అవసరం అని చెప్పినట్లు సమాచారం. అయితే అభిషేక్ కి పెద్దగా ఏమి కాలేదని, ఎవరూ ఎటువంటి ఆందోళన చెందాల్సిన అవసరం లేదని, ఇక త్వరలో ఆయన నుండి మరొక రెండు సినిమాలకు సంబందించిన అఫీషియల్ అనౌన్స్ మెంట్స్ కూడా రానున్నట్లు ఆయన పిఆర్ టీమ్ వెల్లడించినట్లు తెలుస్తోంది. అందుతున్న సమాచారం ప్రకారం అభిషేక్ ఒక వారం రోజుల తరువాత షూటింగ్ లో రీ జాయిన్ అవనున్నారని అంటున్నారు.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!