శంకర్-కమల్ హాసన్ ల క్రేజీ కాంబినేషన్ లో తెరకెక్కుతున్న భారీ ప్రొజెక్ట్ “ఇండియన్ 2” సెట్స్ లో నిన్న రాత్రి ఓ భారీ ప్రమాదం చోటు చేసుకుంది. 150 అడుగుల ఎత్తులో లైటింగ్ సెటప్ చేస్తున్న క్రేన్ కూలిపోయింది. సరిగ్గా ఆ క్రేన్ కిందే షూటింగ్ కూడా జరుగుతుండడంతో దాదాపు టీం మెంబర్స్ అందరూ అక్కడే ఉన్నారు. దాంతో ఆ క్రేన్ కింద నలిగి ముగ్గురు ప్రాణాలు కోల్పోగా దర్శకుడు శంకర్, ఆయన సీనియర్ అసోసియేట్స్ గాయాలతో బయటపడ్డారు. దర్శకుడు శంకర్ కాలికి తీవ్ర గాయమైందని ప్రస్తుతం ఆసుపత్రిలో ఉన్నారని తెలుస్తోంది. హీరోయిన్ కాజల్ & ఆమె టీం కూడా ఆ క్రేన్ పడిన స్థలానికి పక్కనే ఉన్నట్లు తెలుస్తోంది. అయితే.. ఆమెకు కానీ ఆమె టీం కు కానీ ఎలాంటి గాయాలు అవ్వలేదు.
చనిపోయిన ముగ్గురిలో సహాయ దర్శకుడు సాయి కృష్ణ (34), ప్రొడక్షన్ అసిస్టెంట్ చంద్రన్ (60), శంకర్ పి.ఏ మధు (29) ఉన్నారు. వీరి మృతదేహాలను పోస్ట్ మార్టం కోసం రాజీవ్ గాంధీ ప్రభుత్వ ఆసుపత్రికి తరళించారు. ఈ విషయమై కమల్ హాసన్ ఇప్పటికే స్పందించగా.. ప్రమాదం ఎలా జరిగింది, అందుకు గల కారణాలేమిటి అనే విషయలను ఇన్వెస్టిగేట్ చేస్తున్నారు. శంకర్ కు మాత్రం ఈ యాక్సిడెంట్ కోలుకోలేని దెబ్బ. ఆయన శారీరికంగా గాయపడడమే కాదు.. మానసికంగానూ కోలుకోలేని దెబ్బ తగిలింది. ఈ ప్రమాదంలో మరణించినవారి ఆత్మకు శాంతి చేకూరాలని, వారి కుటుంబాలకు న్యాయం జరగాలని కోరుకుందాం.
1
2
3
4
5
6
Most Recommended Video
వరల్డ్ ఫేమస్ లవర్ సినిమా రివ్యూ & రేటింగ్!
పవన్ కళ్యాణ్ రీమేక్ చేసిన 11 సినిమాల
ఒక చిన్న విరామం సినిమా రివ్యూ & రేటింగ్!
