టాలీవుడ్ లో చాలా సినిమాల్లో విలన్ గా నటించి మెప్పించాడు అజయ్. ‘విక్రమార్కుడు’, ‘సై’, ‘ఛత్రపతి’ లాంటి సినిమాలు అజయ్ కి మంచి పేరుని తీసుకొచ్చాయి. తాజాగా ఓ ఇంటర్వ్యూలో పాల్గొన్న ఆయన పలు ఆసక్తికర విషయాలను చెప్పుకొచ్చారు. ఈ మధ్యకాలంలో ఆయన సినిమాల్లో పెద్దగా కనిపించడం లేదు. దానికి కారణం ఏంటని ప్రశ్నించగా.. తనకు తగ్గ పాత్రలు రావడం లేదని.. అంతే తప్ప మరో కారణం లేదని చెప్పుకొచ్చారు. సినిమా షూటింగ్ లు చేసేప్పుడు చాలా గాయాలయ్యాయని..
ఒకసారి షోల్డర్ కట్ అయిపోయిందని అన్నారు. ‘దేశముదురు’ షూటింగ్ టైమ్ లో ఫ్యాక్చర్ అయిందని.. నెగెటివ్ రోల్స్ కాబట్టి రోప్ షాట్ చాలా ఉంటాయని చెప్పారు. ఇప్పుడు చాలా వరకు తగ్గాయని.. అప్పట్లో అన్నీ యాక్షన్ ఫిలిమ్స్ వచ్చేవని.. ఇప్పుడు జోనర్స్ మారాయని అన్నారు. అప్పట్లో విలన్ రోల్ అంటే కూలి పని అని.. 20 నుండి 30 రోజుల వరకు ఫైట్ సీన్స్ ఉండేవని.. ఇప్పుడు అన్ని రోజులు చేయడం లేదని చెప్పుకొచ్చారు. ఇక సినిమాలో రేప్ సీన్ల గురించి మాట్లాడుతూ.. ‘మహాలక్ష్మీ’ అనే సినిమా షూటింగ్ సమయంలో జరిగిన సంఘటనను గుర్తు చేసుకున్నారు. విజయన్ మాస్టర్ డైరెక్ట్ చేసిన ఆ సినిమాలో రేప్ సీన్ ప్లాన్ చేశారట.
ఓ మోడల్ ని తీసుకొచ్చారట. కానీ ఆ అమ్మాయికి రేప్ సీన్ అని చెప్పలేదట. కానీ డైరెక్టర్ యాక్షన్ అని అంటుంటే.. అజయ్ కి ఏం చేయాలో తోచక.. అమ్మాయికి చెప్పకుండా ఎలా సార్ అని నేరుగా డైరెక్టర్ ని అడిగేశారట. ఇంతలో ఆ అమ్మాయి రేప్ సీన్ అనేసరికి ఏడవడం మొదలుపెట్టిందని.. ఇక ఆ సీన్ తను చేయలేనని అజయ్ తేల్చి చెప్పినట్లు గుర్తు చేసుకున్నారు. అలాంటి సీన్లు చేయడానికి చాలా చిరాకుగా ఉంటుందని.. లక్కీగా తనకు అలాంటి సన్నివేశాల్లో నటించే ఛాన్స్ రాలేదని చెప్పుకొచ్చారు.
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home