మా తెలుగు నటీనటులు చాలా వరకు బెటర్. వాళ్ళ పర్సనల్ లైఫ్ లో ఎన్ని గొడవలు వంటివి ఉన్నా సామరస్యంగా పరిష్కరించుకుంటూ ఉంటారు. కానీ పక్క భాషల్లోని నటీనటులు మాత్రం.. ఇంటి గొడవల్ని వీధుల్లో పెట్టుకుంటున్నారు అనే చెప్పాలి. వివరాల్లోకి వెళితే.. ‘లవ్‌ స్టోరీ 2050’ అనే బాలీవుడ్‌ మూవీతో నటుడు కరణ్ మెహ్రా మంచి పేరు సంపాదించుకున్నాడు.అంతకు ముందు ‘ఎహ్ రిష్తా క్యా కెహ్లతా హై’ సీరియల్‌ తోనే ఇతను బాగా పాపులర్ అయ్యాడు.
ఇతను కొన్ని టీవీ షోలలో కంటిస్టెంట్‌గా పాల్గొన్నాడు. పలు టీవీ సీరియల్స్, మ్యూజిక్‌ వీడియోలతో కూడా ప్రేక్షకులను అలరించాడు.ఇతను కేసర్‌ సీరియల్‌ ద్వారా నటిగా మారిన నిషా రావల్‌ను 2012లో పెళ్లి చేసుకున్నాడు. కానీ వీరి మధ్య మనస్పర్థలు రావడంతో 2021లో విడిపోయి విడాకులకు అప్లై చేశారు.అవి ఇంకా మంజూరు కాకుండానే ఓ ఇంటర్వ్యూలో కరణ్ మెహ్రా, తన మాజీ భార్య పై చేసిన కామెంట్స్ చాలా ఘోరంగా ఉన్నాయి.
కరణ్ మాట్లాడుతూ.. “మొదట్లో మేము బాగానే ఉండేవాళ్ళం. కానీ మధ్యలో రోహిత్ అనే వ్యక్తి నిషాని అన్న అంటూ పరిచయం చేసుకున్నాడు. రాఖీ కూడా కట్టించుకున్నాడు. కానీ వీరు సంబంధం పెట్టుకున్నారు. మొదట్లో వీరు ఈ వ్యవహారం నడుపుతున్న సంగతి నాకు తెలీదు. తర్వాత ఇద్దరూ కలిసి నన్ను ఇంట్లో నుంచి వెళ్లగొట్టి నా పై దాడి చేసే వరకు వెళ్ళింది విషయం. అంతేకాదు నన్ను, నా కుటుంబ సభ్యులను చంపేస్తామని కూడా వాళ్ళు బెదిరించారు.
రోహిత్ ఒక దుర్మార్గుడు, అతనికి మందు, సిగరెట్‌, గుట్కాపాన్‌ వంటి చెడు అలవాట్లు ఉన్నాయి. అలాంటి వ్యక్తి నా ఇంట్లో.. నా భార్యతో, కొడుకుతో ఉంటున్నాడు.ఇది నేను తట్టుకోలేకపోతున్నాను. ఇలాంటి వాళ్ళ దగ్గర నా కొడుకు ఉంటే చెడిపోతాడు అని భావించి నా కొడుకుని నాకు అప్పగించమని ఫైట్‌ చేస్తున్నాను.నిషా మాత్రం తాను ఓ సింగిల్‌ మదర్‌నంటూ సింపతీ కోసం ట్రై చేస్తుంది.నా ఇంట్లో ఉంటూ, నా డబ్బులు వాడుకుంటూ నా మీద కేసు గెలవాలని చూస్తోంది. డాక్యుమెంట్స్‌, డబ్బులు, ల్యాప్‌టాప్‌..
ఇలా నాకు సంబంధించినవన్నీ ఆ ఇంట్లోనే ఉన్నాయి. నా ఇంటికి నేను వెళ్ళడానికి అనుమతి తీసుకోవాల్సిన కర్మ వచ్చింది.నాకు ఒక సూట్‌కేసులో 5 జతల బట్టలిచ్చి వెళ్ళగొట్టేసారు. 5 నెలల నుండి రోడ్ల మీద పిచ్చోడిలా తిరుగుతున్నాను” అంటూ చెప్పుకొచ్చాడు. మరోవైపు నిషా.. ” కరణ్ నన్ను వేధింపులకు గురి చేస్తున్నాడని, గత ఏడాది నేను తనపై గృహహింస కేసు పెట్టానని చెబుతుంది.ఇది నిజమే..! ఆ తర్వాత వీరు ఒకరిపై మరొకరు తీవ్రంగా ఆరోపణలు చేసుకుని విడాకులకు అప్లై చేశారు. ఈ విషయంపై ఇంకా కోర్టులో కేసు నడుస్తోంది.
Most Recommended Video
సీతారామం సినిమా రివ్యూ & రేటింగ్!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
