చైతుకి కథ చెప్పిన నటుడు అర్జున్!

October 31, 2020 / 02:27 PM ISTByFilmy Focus

Join Us

టాలీవుడ్ లో కొన్నిసార్లు ఊహించని కాంబినేషన్లు సెట్ అవుతుంటాయి. ఇప్పుడు అలాంటి కాంబినేషన్ ఒకటి సెట్ కానుంది. యాక్షన్ కింగ్ అర్జున్ నటుడిగానే కాకుండా.. దర్శకుడిగా కూడా గుర్తింపు తెచ్చుకోవడానికి ప్రయత్నిస్తున్నాడు. ఈ క్రమంలో అతడు అక్కినేని నాగచైతన్యని కలిసి ఓ కథ వినిపించినట్లు తెలుస్తోంది. గతంలో ‘జైహింద్’ సినిమాతో పాటు తాను హీరోగా తెరకెక్కిన కొన్ని సినిమాలకు దర్శకత్వం వహించాడు అర్జున్. చాలా వరకు పోలీస్, దేశభక్తి నేపథ్యంలోనే సినిమాలు తీశాడు.

ఇప్పుడు హీరోగా అవకాశాలు తగ్గిన తరువాత దర్శకుడిగా నిలదొక్కుకోవడానికి ప్రయత్నిస్తున్నాడు. ఈ నేపథ్యంలో ఓ భారీ యాక్షన్ కథను సిద్ధం చేసుకున్నాడట అర్జున్. ఈ కథను చైతుకి వినిపించినట్లు తెలుస్తోంది. చైతూకి కూడా యాక్షన్ సినిమాలంటే ఆసక్తి. కెరీర్ ఆరంభం నుండి యాక్షన్ హీరోగా గుర్తింపు తెచ్చుకోవాలని ప్రయత్నిస్తున్నాడు. కానీ వర్కవుట్ అవ్వడం లేదు. అందుకే లవ్ స్టోరీలు, ఫ్యామిలీ ఎంటర్టైనర్లకే పరిమితమయ్యాడు. ఈ క్రమంలో అర్జున్ చెప్పిన యాక్షన్ కథ చైతుకి నచ్చిందని సమాచారం.

కానీ ప్రస్తుతం తనకున్న కమిట్మెంట్స్ కారణంగా.. అర్జున్ తో సినిమా ఎప్పుడు కుదురుతుందో చెప్పలేని పరిస్థితి. మరోపక్క అర్జున్ ఇదే కథను హీరో సుధీర్ బాబుకి కూడా చెప్పినట్లు సమాచారం. ఈ ఇద్దరి హీరోల్లో ఎవరో ఒకరితో ఈ ప్రాజెక్ట్ ని తెరకెక్కించాలని అనుకుంటున్నాడు. ఈ సినిమా ఓకే తన కూతురు ఐశ్వర్యని హీరోయిన్ గా పెట్టి సొంతంగా నిర్మించాలని ప్లాన్ చేస్తున్నాడు. మరి అర్జున్ ప్లాన్ వర్కవుట్ అవుతుందో లేదో చూడాలి!