మరో నటుడు కన్నుమూశారు!

September 24, 2020 / 04:34 PM ISTByFilmy Focus

Join Us

అనుకోని శతృవు కరోనా ఊహించని దెబ్బ తీయగా చిత్ర పరిశ్రమ కుదేలైంది. షూటింగ్స్ జరుగక, సినిమాల విడుదలలేక చిత్ర పరిశ్రమపై ఆధారపడిన అనేక మంది నటులు, కార్మికులు అనేక ఇబ్బందులు ఎదుర్కొంటున్నారు. కరోనా కష్టాలు ఒకెత్తయితే వరుసగా అనేక మంది నటులు మరణించడం కలచివేస్తుంది. కొద్దిరోజుల క్రితం ప్రముఖ నటుడు జయప్రకాశ్ రెడ్డి హఠాన్మరణం పొందారు. ఆయన మరణాన్ని మరవక ముందే కమెడియన్ మరియు క్యారెక్టర్ ఆర్టిస్ట్ అయిన వేణు గోపాల్ తుదిశ్వాస విడిచారు.

దేశంలోని అన్ని చిత్ర పరిశ్రమలకు చెందిన నటులు మృత్యువాతపడుతున్నారు. కాగా బాలీవుడ్ మరో నటుడిని కోల్పోయింది. బాలీవుడ్ నటుడు భూపేష్ కుమార్ తుదిశ్వాస విడిచారు. ఆయన కొంతగాకాలంగా లంగ్ క్యాన్సర్ తో బాధపడుతున్నారు. స్టేజ్ 4 లంగ్ క్యాన్సర్ తో బాధపడుతున్న భూపేష్ మరణించినట్లు కుటుంబ సభ్యులు తెలియజేశారు. చాలా కాలంగా కుటుంబం ఆయనకి చికిత్స చేయిస్తుండగా ఆర్థిక ఇబ్బందులు ఎదుర్కొంటున్నారట.

Actor Bhupesh Kumar Pandya No More1

దీనితో ఆయన కుటుంబానికి ఆర్థిక సహాయం చేయడం కోసం నిధులు సేకరిస్తున్నట్లు తెలుస్తుంది. ప్రముఖ నటుడు మనోజ్ బాజ్ పేయ్ కొంత ఆర్థిక సాయం ప్రకటించారట. ఆయుష్మాన్ ఖురానా హీరోగా వచ్చిన విక్కీ డోనర్ సూపర్ హిట్ కాగా భూపేష్ కీలక పాత్రలో నటించి మెప్పించారు.