Chandra Mohan: తన ఆరోగ్యం పై వస్తున్న వార్తలను ఖండించిన నటుడు చంద్రమోహన్..!

కొన్నాళ్ల నుండీ సినిమాల్లో కనిపించకుండా పోయిన నటీనటుల ఫోటోలు లేదా వారికి సంబంధించిన న్యూస్ లు కనుక ఇటీవల కనిపిస్తే.. వెంటనే ఆ నటీనటులు చనిపోయారు అని ఫిక్స్ అయిపోతున్నారు మన నెటిజన్లు. ఏం చేస్తాం..! కరోనా సెకండ్ వేవ్ ఎఫెక్ట్ అలా ఉంది లెండి.! తాజాగా సీనియర్ హీరో,క్యారెక్టర్ ఆర్టిస్ట్ అయిన చంద్రమోహన్ కూడా చనిపోయినట్టు ఫేక్ న్యూస్ లు పుట్టుకొచ్చాయి. దీంతో స్వయంగా చంద్రమోహన్ రంగంలోకి దిగి క్లారిటీ ఇచ్చుకోవాల్సిన పరిస్థితి వచ్చింది.

‘నా పుట్టినరోజు నాడు చాలా మంది ప్రేక్షకులు విషెస్ చెప్పారు. వారందరికీ నా థాంక్స్. అయితే ఈ మధ్య నా ఆరోగ్యంగా గురించి రకరకాల వార్తలు వస్తున్నాయి. అవనీ ఫేక్.! నేను చక్కగా, ఆరోగ్యంగా, హాయిగా, సంతోషంగా హైదరాబాద్ లో మా ఇంట్లోనే ఉన్నాను’ అంటూ ఆయన క్లారిటీ ఇచ్చారు. ఈ మధ్యనే చంద్రమోహన్ సినిమాల నుండీ రిటైర్మెంట్ తీసుకోబోతున్నట్లు ప్రకటించారు. ‘నాకు సినీ జీవితం చాలా నేర్పించింది. పేరు, డబ్బు, బంధాలు శాశ్వతం కాదని తెలుసుకున్నాను.

అలాగే.. నమ్మకద్రోహులు కూడా ఉంటారని, వారికి దూరంగా ఉండాలనే గుణపాఠాలు కూడా నేర్చుకున్నాను. ఆర్థికంగా జాగ్రత్తగా ఉండకపోతే ప్రమాదమని కూడా తెలుసుకున్నాను. అంతేకాకుండా.. చెప్పుకోలేని చేదు నిజాల్ని ఎలా గుండెల్లో దాచుకోవాలో చెప్పింది నా ఈ సినీ పరిశ్రమ’ అంటూ చంద్రమోహన్ తన సినీ జీవితం గురించి ఎమోషనల్ గా చెప్పుకొచ్చారు.

 

View this post on Instagram

 

A post shared by Filmy Focus | తెలుగు (@filmyfocus)

10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!