Mansoor Ali Khan: మరో నటుడి పరిస్థితి విషమం.. టెన్షన్లో సినీ పరిశ్రమ..!

ఈ మధ్య కాలంలో వరుసగా సినీ సెలబ్రిటీలు మరణిస్తున్న సంగతి తెలిసిందే. ఇప్పుడు మరో నటుడి పరిస్థితి కూడా ఆందోళన కరంగా మారింది. వివరాల్లోకి వెళితే కోలీవుడ్ నటుడు మన్సూర్ అలీ ఖాన్ తీవ్ర అనారోగ్యం పాలైనట్లు తెలుస్తుంది. కిడ్నీలో రాళ్లు ఏర్పడటం వలన ఆయన చాలా రోజులుగా అవస్త పడుతున్నాడట.దాంతో అతన్ని హాస్పిటల్లో చేర్చినట్టు చెన్నై మీడియా వర్గాల సమాచారం. మన్సూర్ ను ప్రస్తుతం ఐసీయూలో పెట్టి ట్రీట్మెంట్ ఇస్తున్నారు వైద్య నిపుణులు.

మరో 48 గంటలు గడిస్తే కానీ అతని పరిస్థితి చెప్పలేమని వైద్యులు తెలిపారు.మన్సూర్ అలీ ఖాన్ పరిస్థితి ఇలా ఉండటం వలన ఆయన కుటుంబ సభ్యులతో పాటు సినీ ప్రముఖులు కూడా ఆందోళన చెందుతున్నట్లు తెలుస్తుంది. ఇక మన్సూర్ అలీ ఖాన్ తెలుగు ప్రేక్షకులకు కూడా సుపరిచితమే..! మెగాస్టార్ చిరంజీవి హీరోగా నటించిన ‘ముఠామేస్త్రి’ అలాగే ఎన్టీఆర్- వి.వి.వినాయక్ కాంబినేషన్లో తెరకెక్కిన ‘సాంబ’ చిత్రాల్లో ఇతను నటించాడు. మణిరత్నం డైరెక్షన్లో వచ్చిన ‘నవాబ్’ సినిమాలో కూడా నటించాడు.

మొన్నటికి మొన్న తమిళ కమెడియన్ వివేక్ మరణించినప్పుడు అతని పార్థీవ దేహాన్ని సందర్శించడానికి కూడా వెళ్లారు మన్సూర్. ఆ టైంలో కరోనా వ్యాక్సిన్ వేయించుకోవడం వలనే వివేక్ చనిపోయాడని ఈయన సంచలన వ్యాఖ్యలు చేసాడు.’కోవిడ్ వ్యాక్సిన్ వేసే ముందు ఓ వ్యక్తి ఆరోగ్య పరిస్థితి ఎలా ఉంది? అతనికి బీపీ, షుగర్ వంటివి ఏమైనా ఉన్నాయా? అని తెలుసుకోవాల్సిన ఇంగితం వైద్యులకు లేదా అంటూ విరుచుకుపడ్డారు. మన్సూర్ చేసిన కామెంట్స్ పెద్ద దుమారం రేపాయి కూడా.!

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!