గత ఏడాది స్టార్ మా ఛానల్ వాళ్లు బిగ్ బాస్ తెలుగు సీజన్ వన్ షో ని నిర్వహించారు. ఇందుకు తొలిసారి యంగ్ టైగర్ ఎన్టీఆర్ హోస్ట్ గా వ్యవహరించారు. అప్పటి వరకు ఉన్న టెలివిజన్ రికార్డులన్నింటినీ ఈ షో ద్వారా తారక్ తిరగరాశారు. ఈ షో అత్యధికంగా టీఆర్పీ (టెలివిజన్ రేటింగ్ పాయింట్), టీవీపీ (టెలివిజన్ వీవర్స్ పాయింట్) పాయింట్స్ రాబట్టి స్టార్ మా ఛానల్ వీవర్స్ ని పెంచింది. ఆ ఉత్సాహంతో ఛానెల్ వాళ్లు సీజన్ 2 కోసం అన్ని ఏర్పాట్లు చేస్తున్నారు. ఇందులోనూ ఎన్టీఆర్ ని హోస్ట్ గా వ్యవహరించమని కోరారు. కానీ అందుకు తారక్ ఒప్పుకోలేదు. తనకున్న సినిమా, ఫ్యామిలీ కమిట్మెంట్స్ వల్ల నో చెప్పినట్లు సమాచారం.
దీంతో షో నిర్వాహకులు హోస్ట్ గా చేయమని నేచురల్ స్టార్ నాని ని కోరికట్టు అందుకు అతను ఒప్పుకున్నట్టు కొన్ని రోజులుగా వార్తలు చక్కర్లు కొట్టాయి. అయితే ఆ వార్తలని నాని ఖండించారు. ఇంత వరకు తన వద్దకు ఆ ప్రస్తావన రాలేదని, ఒకవేళ వస్తే మీకే (మీడియా) చెబుతానని సమాధానం ఇచ్చారు. మేర్లపాక గాంధీ దర్శకత్వంలో నాని చేసిన “కృష్ణార్జున యుద్ధం” రేపు విడుదలకానుంది. ఆ సినిమా గురించి నాని మాట్లాడుతూ.. “మేర్లపాక గాంధీ ఈ సినిమా కథ చెప్పినప్పుడు కొత్తగా అనిపించింది. నాగార్జున నటించిన “హలో బ్రదర్‌” సినిమాకు, దీనికి సంబంధం ఉండదు. ఈ సినిమాలో కృష్ణార్జునులు కలిసి యుద్ధం చేస్తారని వారు ఎవరిపై, ఎందుకు చేస్తారో థియేటర్లలో చూడండి” అని కోరారు. అనుపమ పరవేుశ్వరన్, రుక్సర్ మీర్ హీరోయిన్స్ గా నటించిన ఈ సినిమా ఎంతమేర ప్రేక్షకులకు నచ్చుతుందే కొన్ని గంటల్లోనే తెలియనుంది.
Home