Pradeep Rawat: ఇండస్ట్రీలో తీవ్ర విషాదం… ప్రదీప్ రావత్ మృతి

సినీ పరిశ్రమలో తీవ్ర విషాదం చోటు చేసుకుంది. విలక్షణ పాత్రలతో ప్రేక్షకుల మదిలో సుస్థిర స్థానం సంపాదించుకున్న సీనియర్ నటుడు ప్రదీప్ రావత్(Pradeep Rawat) ఈరోజు కన్నుమూశారు. ఆయన వయసు 74 ఏళ్ళు.బ్లడ్ క్లాట్ అయిన కారణంగా ఆయనకు తీవ్ర గుండెపోటు వచ్చిందట. దీంతో కుటుంబ సభ్యులు హుటాహుటిన ముంబైలోని ఓ ప్రైవేట్ ఆసుపత్రికి తరలించారు. అక్కడ చికిత్స పొందుతూనే సాయంత్రం 5.30 గంటలకు ప్రాణం విడిచినట్టు తెలుస్తోంది.

Pradeep Rawat

ఈ వార్త హిందీ సినీ పరిశ్రమనే కాకుండా యావత్ సౌత్ సినీ పరిశ్రమని కుదిపేసింది అని చెప్పాలి. ఆమిర్ ఖాన్ ‘లగాన్’ సినిమాతో ఇండియా వైడ్ మంచి గుర్తింపు తెచ్చుకున్న ప్రదీప్ రావత్.. అటు తర్వాత ఎన్నో హిందీ, భోజ్ పురి సినిమాల్లో నటించారు. దర్శక ధీరుడు ఎస్.ఎస్.రాజమౌళి తెరకెక్కించిన ‘సై’ సినిమాతో టాలీవుడ్‌..కి ఎంట్రీ ఇచ్చారు ప్రదీప్ రావత్. తర్వాత ‘జగపతి’ ‘ఛత్రపతి’ ‘దేశముదురు’ ‘యోగి’ ‘నాయక్’ ‘బలాదూర్’ వంటి ఎన్నో సినిమాల్లో విలన్ పాత్రలతో మెప్పించారు.

అలాగే సహాయానటుడిగా ‘నేను శైలజ’ ‘వాల్తేరు వీరయ్య’ వంటి సినిమాల్లో కూడా అద్బుతంగా నటించి మెప్పించారు. సౌత్ లో మొత్తంగా 70కి పైగా సినిమాల్లో నటించి అలరించారు ప్రదీప్ రావత్. ఆయన నటించిన చివరి తెలుగు సినిమా ‘గాయపడ్డ సింహం’ కావడం గమనార్హం. విలన్ గా సహాయానటుడిగా ఎన్నో సినిమాల్లో తన అద్బుతమైన నటనతో మెప్పించిన ప్రదీప్ రావత్‌..కి తన ఒక్కగానొక్క కుమారుడిని హీరోగా చేయాలని తపించేవారట. ఆ కోరిక తీరకుండానే ప్రదీప్ కన్నుమూసినట్టు స్పష్టమవుతోంది.

ఇక ప్రదీప్ మృతి పై పలువురు సినీ ప్రముఖులు సోషల్ మీడియాలో ట్వీట్లు వేస్తూ తమ సంతాపం తెలియజేస్తున్నారు. ఆయన ఆత్మకి శాంతి చేకూరాలని సోషల్ మీడియాలో కొంతమంది నెటిజెన్లు సైతం కామెంట్లు పెడుతున్నారు.

గుమ్మడికాయ కొట్టిన ఆరు నెలలకు క్లైమాక్స్‌ షూట్‌..