నిన్నమొన్నటివరకూ సౌత్ సినిమా అంటే కేవలం తెలుగు, తమిళ, మలయాళ సినిమా మాత్రమే గుర్తొచ్చేది. కానీ.. ఇప్పుడిప్పుడే కన్నడ పరిశ్రమ కూడా తమ ఉనికిని చాటుకోవడం మొదలెట్టింది. నిన్నమొన్నటివరకు కేవలం బీగ్రేడ్ లేదా రీమేక్ సినిమాలు మాత్రమే ప్రొడ్యూస్ చేసిన కన్నడ ఇండస్ట్రీ ఇప్పుడు వరల్డ్ క్లాస్ కంటెంట్ ను ప్రొడ్యూస్ చేస్తూ అందర్నీ ఆశ్చర్యానికి గురి చేస్తోంది. ఇటీవలే కన్నడ ఇండస్ట్రీ నుంచి వచ్చిన “కె.జి.ఎఫ్” సౌత్ తోపాటు నార్త్ ఆడియన్స్ ను కూడా విశేషంగా ఆకట్టుకొని బ్లాక్ బస్టర్ గా నిలిచింది.
ఇప్పుడు అదే తరహాలో కన్నడ పరిశ్రమ నుంచి మరో సినిమా వస్తోంది. అదే “పల్లివాన్”. “ఈగ” ఫేమ్ సుదీప్ కథానాయకుడిగా తెరకెక్కుతున్న ఈ చిత్రం బాలీవుడ్ బ్లాక్ బస్టర్ ఫిలిమ్ “సుల్తాన్”కి రీమేక్ గా రూపొందుతోంది. నిన్న విడుదలైన ఈ చిత్రం టీజర్ ప్రేక్షకులకు సినిమాపై మంచి అంచనాలను క్రియేట్ చేసింది. “కె.జి.ఎఫ్” తర్వాత వస్తున్న సినిమా కావడంతో “పల్లివాన్”పై అన్నీ ఇండస్ట్రీల దృష్టి పడింది. మరి సుదీప్ ఆ అంచనాలను అందుకోగలుగుతాడో లేదో చూడాలి.
Home
