యష్ తల్లితో గ్రామస్థుల గొడవ!

March 10, 2021 / 03:02 PM IST

Join Us

కన్నడ హీరో యష్ ‘కేజీఎఫ్’ సినిమాతో పాన్ ఇండియా స్టార్ గా మారిపోయాడు. నేషనల్ వైడ్ గా యష్ కి ఫ్యాన్ ఫాలోయింగ్ పెరిగిపోయింది. ప్రస్తుతం ఈ హీరో ‘కేజీఎఫ్ చాప్టర్ 2’ సినిమాలో నటిస్తున్నాడు. ప్రస్తుతం షూటింగ్ దశలో ఉన్న ఈ సినిమాను జూలైలో ప్రేక్షకుల ముందుకు తీసుకురానున్నారు. ఇదిలా ఉండగా.. రీసెంట్ గా యష్ తల్లికి, గ్రామస్థులకి మధ్య గొడవ జరిగినట్లు తెలుస్తోంది. యష్ తల్లి కర్ణాటకలోని హాసన్ జిల్లాకు చెందినవారు.

హాసన్ లో వారికి సొంత ఇల్లు ఉంది. హాసన్ సమీపంలోని తిమ్మాపుర గ్రామంలో ఇటీవల 80 ఎకరాల భూమిని యష్ కుటుంబం కొనుగోలు చేసింది. తమ పొలాలకు దారిని మూసివేశారని గ్రామస్థులు యష్ తల్లి పుష్పలతో గొడవ పడ్డారు. వివాదం పెద్దది కావడంతో గ్రామస్థులు దుద్ద పోలీస్ స్టేషన్ లో ఫిర్యాదు చేశారు. 80 ఎకరాల కంచె వేస్తే తమ పొలాలకు వెళ్లడం కష్టమని.. గ్రామ పటంలో ఉన్నట్లు దారి వదలాలని గ్రామస్థులు డిమాండ్ చేస్తున్నారు.

ఎన్నో ఏళ్లుగా సాగు చేసుకుంటున్న భూముల్లోకి దారిని మూసివేయడం కరెక్ట్ కాదని పట్టుబడుతున్నారు. ఈ విషయం గురించి చర్చించడానికి నటుడు యష్ మంగళవారం తిమ్మాపురకు వెళ్లారు. పోలీసులు ఇరు వర్గాలను స్టేషన్ కు పిలిపించి పంచాయితీ చేశారు. యష్ వస్తున్నట్లు తెలుసుకున్న అభిమానులు వందల సంఖ్యలో పోలీస్ స్టేషన్ కు చేరుకున్నారు.