బాధపడుతున్న అమలాపాల్!!!

కోలీవుడ్ టాప్ హీరోయిన్స్ లో ఒకరుగా దూసుకువెల్తున్న అమలాపాల్ అప్పట్లో వరుస హిట్స్ తో దూసుకుపోయింది. తెలుగులో మెగా పవర్ స్టార్ తో నాయక్ సినిమాలో నటించి భారీ హిట్ ను అందుకుంది. అయితే తమిళ దర్శకుడు విజయ్ సినిమాల్లో వరుసగా నటించిన అమలాపాల్ తన వైఖరి, తన పద్దతి, తన ఆలోచనా విధానాలు నచ్చడంతో తనని ప్రేమించి మరీ 2014లో పెళ్లి చేసుకుంది. దాదాపుగా ఏడాదిన్నర వరకూ వీరిద్దరూ బాగానే ఉన్నారు. ఆ తరువాత సైతం అమలాపాల్ సినిమాల్లో నటించింది.

కానీ ఏం జరిగిందో తెలీదు కానీ, అనుకోకుండా అమలాపాల్, విజయ ఇద్దరూ విడిపోవాలని నిర్ణయించుకున్నారు. విడాకులకు అప్లై చేశారు. వీరి విడాకుల కేస్ మొన్న శనివారం హియరింగ్ కి రావడంతో వీళ్ళిద్దరూ కోర్ట్ కు హాజరయినట్లు తెలుస్తుంది. అంతేకాకుండా కౌంట్ హాల్ లో ఒకరికొకరు ఎదురుపడినప్పటికీ తెలియని వారిలాగనే ఎక్కడా మాట్లాడుకోకుండా వెళ్లిపోవడం కోలీవుడ్ మీడియా చెబుతున్న సమాచారం. అంతేకాకుండా వాదనలు పూర్తయ్యి వెళ్ళిపోయే క్రమంలో కోర్ట్ హాల్ లోనే అమలాపాల్ కంటతడి పెట్టినట్లు అక్కడ ఉన్నవారి కంటపడినట్లు తమిళ మీడియా కోడై కూస్తుంది.

ఇక్కడ మరో షాకింగ్ ట్విస్ట్ ఏమిటంటే ఈ విడాకుల పిటిషన్ లోఅమలా పాల్  తన భర్త విజయ్ నుండి ఎటువంటి భరణాన్ని కూడా కోరుకోలేదు. కొన్నాళ్లుగా విడిగా ఉంటున్న ఈ జంటకు కోర్ట్ మరో 6 నెలలు టైమ్ ఇచ్చింది.  ఈ 6 నెలల లోపు వాళ్ళు తమ మధ్య ఉన్న విభేదాలను గనుక సద్దుకోలేకపోతే  కోర్ట్ వాళ్లకు విడాకులు మంజూరు చేస్తామని తెలియ చేసింది. మరి ఈ ఆరు నెలల్లో వీళ్ళిద్దరూ మనసు మార్చుకుంటరేమో చూడాలి.