Amala Paul: ఈ ఏడాదైనా అమలా పాల్ కు కలిసొస్తుందా..?

తెలుగు, తమిళ భాషల్లో పదుల సంఖ్యలో సినిమాల్లో నటించి నటిగా అమలాపాల్ మంచి పేరును సంపాదించుకున్నారు. ఈ మధ్య కాలంలో అమలాపాల్ కు అవకాశాలు తగ్గగా మళ్లీ వరుస ఆఫర్లతో బిజీ కావడానికి ఆమె తన వంతు ప్రయత్నాలు చేస్తున్నారు. అయితే ఒక విషయంలో మాత్రం అమలాపాల్ సూపర్ స్టార్ రజనీకాంత్ ను ఫాలో అవుతుండటం గమనార్హం. రజనీకాంత్ కు భక్తిభావం ఎక్కువనే సంగతి మనందరికీ తెలిసిందే. ప్రతి సంవత్సరం రజనీకాంత్ అధ్యాత్మిక యాత్ర కోసం హిమాలయాలకు వెళుతుంటారు.

రజనీకాంత్ హిమాలయాలకు వెళ్లడం గురించి తెలిసి కోలీవుడ్ హీరో శింబు కూడా ఆయనను ఆ విషయంలో ఫాలో అయ్యారు. అధ్యాత్మిక యాత్రకు వెళ్లి వచ్చిన తరువాత శింబు తన లుక్ ను పూర్తిగా మార్చుకోవడంతో పాటు వరుస సినిమా ఆఫర్లతో బిజీ అవుతున్నారు. అమలాపాల్ కూడా వీరి బాటలో అధ్యాత్మిక యాత్రకు వెళ్లారని తెలుస్తోంది. కోలీవుడ్ స్టార్ డైరెక్టర్ విజయ్ ను వివాహం చేసుకున్న అమలా పాల్ కొన్ని కారణాల వల్ల భర్తతో విడిపోయారు. భర్తతో విడాకుల తరువాత అమలా పాల్ రెండో పెళ్లి చేసుకుంటున్నారని వార్తలు వైరల్ అయినా ఆ వార్తలు నిజం కాలేదు.

అమలా పాల్ ప్రస్తుతం ఒంటరి జీవితాన్ని గడుపుతున్నారు. ఉత్తరాఖాండ్ రాష్ట్రంలోని రిషికేష్ కు వెళ్లిన అమలాపాల్ అక్కడ ధ్యానంలో నిమగ్నమయ్యారు. అమలాపాల్ రిషికేష్ లో దిగిన ఫోటోలను తన ఇన్ స్టాగ్రామ్ ద్వారా షేర్ చేశారు. 2020 సంవత్సరం అమలాపాల్ కు పెద్దగా కలిసిరాలేదు. ఈ ఏడాదైనా ఈ హీరోయిన్ కు కలిసొస్తుందేమో చూడాల్సి ఉంది. అమలా పాల్ తెలుగులో అల్లు అర్జున్, రామ్ చరణ్ లకు జోడీగా నటించిన సంగతి తెలిసిందే.

Most Recommended Video

వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!