హీరోయిన్ అంజలి అందరికీ సుపరిచితమే. ‘ఫోటో’ సినిమాతో హీరోయిన్ గా ఎంట్రీ ఇచ్చిన ఆమె ఆ తర్వాత ‘బింబిసార’ దర్శకుడు హీరోగా నటించిన ‘ప్రేమలేఖ రాశా’ అనే సినిమాలో హీరోయిన్ గా నటించింది. ఈ రెండు సినిమాలు ప్లాప్ అవ్వడంతో ఆమె కోలీవుడ్ కి చెక్కేసి అక్కడ వరుస సినిమాలు చేసింది. ఈ క్రమంలో ‘షాపింగ్ మాల్’ ‘జర్నీ’ వంటి సినిమాలు ఆమెకు మంచి బ్రేక్ ఇచ్చాయి. దీంతో తెలుగులో ‘సీతమ్మ వాకిట్లో సిరిమల్లె చెట్టు’ అనే సినిమాతో రీ ఎంట్రీ ఇచ్చింది. ఆ సినిమా సక్సెస్ అవ్వడంతో.. తెలుగులో ఈమెకు వరుసగా అవకాశాలు వచ్చాయి. కొత్త హీరోయిన్లు ఎంట్రీ ఇచ్చినా ఇప్పటికీ ఏదో ఒక సినిమాలో నటిస్తూనే ఉంది.
రాంచరణ్ హీరోగా శంకర్ దర్శకత్వంలో తెరకెక్కుతున్న ‘గేమ్ ఛేంజర్’ అనే ప్రెస్టీజియస్ మూవీలో ఈమె సెకండ్ హీరోయిన్ గా నటిస్తుంది. ఇదిలా ఉండగా.. 2014 ఈమె ప్రధాన పాత్రలో రూపొందిన ‘గీతాంజలి’ సినిమాకి ఇన్నేళ్ల తర్వాత సీక్వెల్ రాబోతుంది. ‘గీతాంజలి మళ్ళీ వచ్చింది’ అనే టైటిల్ తో ఈ సీక్వెల్ రూపొందనుంది. శివ తుర్లపాటి దర్శకుడు. కోన వెంకట్, ఎం.వి.వి. సత్యనారాయణ.. నిర్మాతలు.
ఈరోజు ఫస్ట్ లుక్ లాంచ్ ఈవెంట్ జరిగింది. ఈ నేపథ్యంలో ‘క్యూ అండ్ ఎ’ ని నిర్వహించింది చిత్ర బృందం. ఈ క్రమంలో ఓ లేడీ రిపోర్టర్ అడిగిన ప్రశ్న అంజలికి చాలా కోపం తెప్పించింది. ‘మీకు నేను అభిమానిని, మీరు తెలుగమ్మాయి అవ్వడం వల్లే ఇంకా సరైన బ్రేక్ రాలేదు అని ఎప్పుడైనా అనిపించిందా?’ అంటూ ఆ రిపోర్టర్ అంజలిని ప్రశ్నించింది. దీనికి అంజలి ‘నాకు బ్రేక్ రాకపోతే మీరు నా అభిమాని ఎలా అయ్యారు, నేను తెలుగులోనే కాకుండా తమిళంలో కూడా సినిమాలు చేస్తూనే ఉన్నాను’ అంటూ ఘాటుగా బదులిచ్చింది.
అయితే ఆ లేడీ రిపోర్టర్ ‘శ్రీలీల కూడా తెలుగమ్మాయే. ఆమె రేంజ్లో మీరు సక్సెస్ కాలేదు కదా’ అంటూ అంజలికి ఇంకా చిరాకు తెప్పించింది. అప్పుడు అంజలి ‘నేను ఇప్పటికీ బిజీగా సినిమాలు చేస్తూనే ఉన్నాను. ఆ నెంబర్ గేమ్స్ ని నేను పట్టించుకోను, నాకు నచ్చిన పాత్రలే చేస్తాను’ అంటూ మరోసారి ఘాటుగా బదులిచ్చింది.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
