అంజలి జీవితంలో స్లిమ్ పెట్టిన చిచ్చు

తెలుగు అమ్మాయి అంజలి తమిళంలో నటిగా నిరూపించుకొని తెలుగులోకి అడుగుపెట్టింది. ఇక్కడ కూడా సీతమ్మ వాకిట్లో సిరిమల్లె చెట్టు, గీతాంజలి వంటి విజయాలు అందుకుంది. సరైనోడు’లో ‘బ్లాకు బస్టరే…’ పాటలో అదరగొట్టింది. ఆ తర్వాత కోలీవుడ్ కే పరిమితమైంది. అయితే టాలీవుడ్ లో అవకాశాలు అందుకోవాలని సన్నబడింది. స్లిమ్ గా ఉన్న అంజలిని చూసి తెలుగు దర్శకనిర్మాతలు సంప్రదిస్తున్నారు. దీంతో సంతోషపడేలోపు ఊహించని సమస్య వచ్చి పడింది. తన ప్రేమికుడు జై తో గొడవకి దారితీసింది. ఏడేళ్ల క్రితం వచ్చిన ‘జర్నీ’ సినిమాలో మొదటిసారిగా అంజలి, జై కలిసి నటించారు. ఈ సినిమాతోనే వీరిద్దరి దగ్గరయ్యారు. ఆ తర్వాత వీరి కలయికలో వచ్చిన “బెలూన్” సినిమాతో వీరి బంధం మరింత బలపడింది.

గ‌త రెండేళ్లుగా వీరిద్దరూ స‌హ‌జీవ‌నం చేస్తున్నట్టు చెప్పుకుంటున్నారు. అంతేకాదు వీరు ఒకే ఇంట్లో ఉన్న ఫొటోలు సోషల్ మీడియాలో హల్‌చల్ చేయడం ఈ వార్తలకు మరింత బలాన్ని చేకూర్చాయి. ఇంత ప్రేమగా ఉండేవారు కొన్ని రోజులుగా మాట్లాడుకోవటం లేదంట. అందుకు కారణం అంజలి బాగా బరువు తగ్గడమేననని తెలిసింది. అంజలి సన్నబడడం.. జై కు ఇష్టం లేదట. ఆ విషయంలోనే వీరి మధ్య చిన్నపాటి గొడవ జరిగిందట. దాంతో ఇద్దరూ ఒకరితో ఒకరు మాట్లాడుకోవడం లేదని కోలీవుడ్ మీడియా పేర్కొంది. మరి ఈ గొడవ ఎప్పుడు చల్లారుతుందో చూడాలి.