టాలీవుడ్ స్టార్ డైరెక్టర్ పూరి జగన్నాథ్ దర్శకత్వంలో తెరకెక్కిన ‘అమ్మ నాన్న ఓ తమిళ అమ్మాయి’ చిత్రం ద్వారా తెలుగు ప్రేక్షకులకు పరిచయమైంది హీరోయిన్ ఆసిన్. 2003 లో విడుదలైన ఈ చిత్రం బ్లాక్ బస్టర్ అవ్వడంతో ఓవర్ నైట్ లో స్టార్ హీరోయిన్ అయిపోయింది ఆసిన్. నిజానికి ఈమె మలయాళీ.. అదే కేరళకు చెందిన అమ్మాయి. కానీ ‘అమ్మ నాన్న తమిళమ్మాయి’ సినిమాలో మలయాళీ అమ్మాయిగా.. చూపించాడు పూరి. ఈ విషయం పై అప్పట్లో ఫన్నీ సెటైర్లు చాలానే వచ్చాయి.
ఇక అటు తర్వాత నాగార్జునతో తెరకెక్కించిన ‘శివమణి’ సినిమాలో కూడా ఆసిన్ కు ఛాన్స్ ఇచ్చాడు పూరి జగన్నాథ్. ఈ మూవీ కూడా మంచి ఫలితాన్నే అందుకుంది.దీంతో బాలకృష్ణతో ‘లక్ష్మీ నరసింహ’, వెంకటేష్ తో ‘ఘర్షణ’, పవన్ కళ్యాణ్ తో ‘అన్నవరం’, ప్రభాస్ తో ‘చక్రం’ వంటి స్టార్ హీరోల సినిమాల్లో నటించే అవకాశాలను దక్కించుకుంది.ఆసిన్ కు తెలుగుతో పాటు తమిళ,హిందీ భాషల్లో కూడా మంచి క్రేజ్ ఉంది. ‘గజిని’ సినిమా ఈమెకి ఎనలేని ఖ్యాతిని తెచ్చిపెట్టింది.
అయితే ఈమె ఎన్నో సూపర్ హిట్ సినిమాలు, పెద్ద సినిమాలను వదిలేసుకుందట.దానికి ప్రధాన కారణం ఈమెకు డబ్బు పిచ్చి ఉండడమే అని తెలుస్తుంది. పెద్ద హీరోల సినిమాల్లో అవకాశాలు వచ్చినప్పటికీ నిర్మాతలు రెమ్యూనరేషన్ తక్కువ ఆఫర్ చేస్తే చెయ్యను అని చెప్పేసేదట. చిరంజీవి-మురుగదాస్ ల ‘స్టాలిన్’ సినిమాకి మొదట ఆసిన్ నే హీరోయిన్ గా అనుకున్నారు. కానీ నిర్మాత నాగబాబు పారితోషికం తక్కువ ఆఫర్ చేయడంతో ఆమె సైడ్ అయిపోయినట్టు తెలుస్తుంది.
ఇక స్టార్ హీరోయిన్ గా ఈమె రాణిస్తున్న టైంలోనే 2016 లో రాహుల్ శర్మ అనే బిజినెస్ మెన్ ను పెళ్లి చేసుకుని సెటిల్ అయ్యింది ఆసిన్. రాహుల్ శర్మ మైక్రో మాక్స్ కంపెనీ కి సి.ఈ.ఓ అన్న సంగతి అందరికీ తెలిసే ఉంటుంది. ఆసిన్ కు ఓ పాప. ఆసిన్- రాహుల్ ల వివాహం జరగడానికి ముఖ్య కారణం హీరో అక్షయ్ కుమార్ అట. అక్షయ్ కి రాహుల్ మంచి ఫ్రెండ్. ఇతని సినిమా వేడుకలోనే ఆసిన్ తో రాహుల్ కు పరిచయం ఏర్పడడం తర్వాత అది పెళ్లి చేసుకునే వరకు వెళ్ళడం విశేషం.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
