అర్ధరాత్రి హైదరాబాద్ ని చుట్టిన ఛార్మి కౌర్!

సినిమాల్లో అవకాశాలు తగ్గిపోతే హీరోయిన్స్ పెళ్లి చేసుకొని సెటిల్ అవుతుంటారు. అయితే అందుకు భిన్నంగా ఛార్మి నడుచుకుంటోంది. తెలుగులోనే కాకుండా ఐదు భాషల్లో అనేక సినిమాల్లో నటించిన ఛార్మి సినిమా రంగాన్ని వదలడం లేదు. దర్శకుడు పూరి జగన్నాథ్ తో కలిసి తెలుగు సినిమా పరిశ్రమకు అందమైన భామలను పరిచయం చేస్తుంది. ఈ బాధ్యతలను నెరవేరుస్తూ తనకి ఇష్టమైన పనులు చేస్తూ బతుకుతోంది. నటిగా ఉన్నప్పుడు తాను చేయలేక పోయిన కొన్ని పనులను ఇప్పుడు చేస్తూ ఆనందిస్తోంది. మొన్నటికి మొన్న తన పెంపుడు చిలుక  ‘మిట్టూ’తో కలిసి ఒకే ప్లేట్ లో భోజనం చేస్తూ ముద్దులు పెట్టిన ఛార్మి.. మూగ జంతువులతో కలసి ఉన్న ఫోటోలను, వీడియోలను షేర్ చేస్తోంది.

ఈ వీడియోలు ఆమె అభిమానులతో పాటు.. నెటిజనులను సైతం ఆకట్టుకుంటోంది. తాజాగా తన సోదరుడు శ్రీధర్‌తో కలిసి ద్విచక్ర వాహనంపై రైడ్ చేస్తోంది. ముగుసు వేసుకొని అర్ధరాత్రి పూట హైదరాబాద్ నగరాన్ని చుట్టేస్తోంది. అంతేనా అలా తిరుగుతున్నప్పుడు వీడియోని తీసుకొని దాన్ని సోషల్ మీడియాలో పోస్ట్ చేసింది. ప్రస్తుతం ఈ వీడియో నెట్లో వైరల్ అయింది. డ్రగ్ మాఫియా కేసులో ఇరుకున్నప్పుడు వచ్చిన నెగటివ్ కామెంట్స్ తో కుంగిపోకుండా.. బయటికి వచ్చి ఎంతోమందికి ధైర్యాన్ని ఇస్తోంది.

Bike ride on the streets of Hyd 😁😁😁 with mera beta Sreedhar 😁😁😁 pic.twitter.com/N8krnvpD2S

— CHARMME KAUR (@Charmmeofficial) January 16, 2018