ఎనర్జిటిక్ స్టార్ రామ్ ప్రస్తుతం పూరీజగన్నాధ్ డైరెక్షన్లో ‘ఇస్మార్ట్ శంకర్’ అనే చిత్రంలో నటిస్తున్నాడు. ఇటీవల రామ్ నటించిన చిత్రాలు పెద్దగా సక్సెస్ కాలేదు. ‘హలో గురు ప్రేమ కోసమే’ చిత్రం పర్వాలేదనిపించినా బాక్సాఫీస్ దగ్గర సరిగ్గా నిలబడలేకపోయింది. దీంతో ‘ఇస్మార్ట్ శంకర్’ చిత్రంతో మంచి హిట్టు కొట్టి బౌన్స్ బ్యాక్ అవ్వాలని రామ్ భావిస్తున్నాడు. ఈ చిత్రాన్ని పూరి జగనాథే నిర్మిస్తున్నాడు. ఇక ఛార్మి కూడా సహా నిర్మాతగా వ్యవహరిస్తోంది. ఇదిలా ఉండగా ఇటీవల రామ్ పై ఛార్మి చేసిన కామెంట్ సంచలనంగా మారింది.
వివరాల్లోకి వెళితే.. ఇటీవల ‘ఇస్మార్ట్ శంకర్’ సెట్ లో రామ్ ఫోటోని తీసిన ఛార్మి తన ట్విట్టర్లో షేర్ చేసింది. ఇందులో రామ్ మాస్క్ ధరించి ఉన్నాడు. ఛార్మి తన పోస్ట్ లో.. ‘రామ్ చాలా కష్టపడే నటుడు. నీ పాజిటివిటీ, ఎనర్జీ.. నీకు సంబంధించిన ప్రతీది నాకు చాలా నచ్చింది(ఇలా మాట్లాడినందుకు నీ మహిళా అభిమానులు నన్ను చంపకుండా ఉంటారని ఆశిస్తున్నా)” అంటూ పేర్కొంది. ఛార్మి చేసిన ఈ కామెంట్స్ ఇప్పుడు వైరల్ గా మారాయి. ఇక ఈ చిత్రంలో నిధి అగర్వాల్, నభా నటేష్ హీరోయిన్లుగా నటిస్తున్నారు. మణిశర్మ సంగీతమందిస్తున్న ఈ చిత్రం సమ్మర్ కానుకగా ప్రేక్షకుల ముందుకు రానుంది.
Home