“అరవింద సమేత”లో సెకండ్ హీరోయిన్ గా ఎన్టీఆర్ సరసన నటించి మెప్పించిన తెలుగమ్మాయి ఈషా రెబ్బకు ఆ సినిమా తర్వాత మరో మంచి సినిమా ఇప్పటివరకు పడలేదు. తాను ఎలాంటి పాత్రకైనా రెడీ అనే విషయాన్ని ఈషా ఎప్పటికప్పుడు తన ఇన్స్టాగ్రామ్ ప్రొఫైల్ ద్వారా గుర్తుచేస్తున్నా కూడా పెద్దగా ఎవరూ పట్టించుకోలేదు. అయితే.. ఇప్పుడు అదే ఇన్స్టాగ్రామ్ ఫోటోస్ ఆమెకు ఒక క్రేజీ ఆఫర్ ను తెచ్చిపెట్టాయి. బాలీవుడ్ లో సెన్సేషన్ క్రియేట్ చేసిన లస్ట్ స్టోరీస్ ను తెలుగులో నలుగురు దర్శకులు తెరకెక్కించనున్న విషయం తెలిసిందే. ఒక ఎపిసోడ్ లో జగపతిబాబు, అమలాపాల్ నటించనుండగా.. మరో ఎపిసోడ్ కోసం ఈషా రెబ్బాను సెలక్ట్ చేశారని తెలుస్తోంది.
హిందీలో భూమీ పడ్నేకర్ పోషించిన పనిమనిషి పాత్రలో ఈషా రెబ్బ కనిపించనుంది. హిందీలో ఈ క్యారెక్టర్ కోసం భూమీ పడ్నేకర్ చేసిన శృంగార సన్నివేశం చిన్నపాటి సెన్సేషన్ క్రియేట్ చేసింది. మరి తెలుగులో దర్శకుడు సంకల్ప్ రెడ్డి ఆ సన్నివేశాన్ని అలానే తెరకెక్కిస్తాడా లేక ఇక్కడికి తగ్గట్లుగా ఏమైనా మార్పులు చేస్తాడా అనేది చూడాలి. ఇకపోతే.. ఈషా రెబ్బ నటించిన “రాగాల 24 గంటల్లో” త్వరలో విడుదలకానుంది.
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!
Home
