హన్సిక బుగ్గని గిల్లిన అభిమాని

‘అంతా మట్టే’ అంటూ దేశముదురు సినిమాలో తన అందం, అభినయంతో యువతని కట్టిపడేసిన బాలీవుడ్ బ్యూటీ హన్సిక.. వరుస విజయాలతో దక్షిణాది టాప్ హీరోయిన్ గా ఎదిగింది. తాజాగా గులేబాకావళి సినిమాతో మరో హిట్ అందుకుంది. తెలుగు రాష్ట్రాలతో పాటు, తమిళనాడులోను హన్సికకి వీరాభిమానులనున్నారు. వారితోనే ఇప్పుడు ఆమెకి ఇబ్బంది కలిగింది. వివరాల్లోకి వెళితే.. నిన్న చెన్నైలో ఓ షాపింగ్ మాల్ ఓపెనింగ్ కి వెళ్లింది హన్సిక. తన అభిమాన తారని చూసేందుకు అక్కడికి చాలామంది అభిమానులు వచ్చారు. ఆమె కారునుంచి దిగి మాల్ లోకి వెళ్ళడానికి వీలులేనంత ఫ్యాన్స్ వచ్చారు.

బౌన్సర్ల సహాయంతో నడిచివెళ్తుంటే.. ఆమెకు షేక్ హ్యాండ్ ఇవ్వాలని అభిమానులు తోసుకున్నారు. పోలీసులు ఎంత కంట్రోల్ చేసినప్పటికీ ఓ పోకిరి హన్సిక బుగ్గని గిల్లారు. దీంతో హన్సిక షాక్ తిని చెంపపై చెయ్యి పెట్టుకొని మాల్ లోకి వెళ్ళింది. ఈ ఘటన మొత్తం కెమెరాలో బంధించారు. ఈ వీడియో ప్రస్తుతం సోషల్ మీడియాలో హల్ చల్ చేస్తోంది. ఇదివరకు సమంత, తమన్నా, త్రిష వంటి టాప్ హీరోయిన్స్ అభిమానులతో ఇబ్బంది పడ్డారు. ఇప్పుడు వారి జాబితాలో హన్సిక చేరింది. ఇక నుంచి అయినా పబ్లిక్ ఫంక్షన్ కి వెళ్ళినప్పుడు తారలు జాగ్రత్తగా ఉండాలి. లేకుంటే ఇలాంటి చేదు అనుభవాలు తప్పవు.