సినిమా ఇండస్ట్రీలో వరుసగా వెడ్డింగ్ బెల్స్ మోగుతున్నాయి.. ఇటీవలే టాలీవుడ్ యంగ్ హీరో నాగ శౌర్య, బెంగుళూరుకి చెందిన అనుష శెట్టిని వివాహ మాడాడు. కామెడీ కింగ్ ఆలీ పెద్ద కుమార్తె ఫాతిమా పెళ్లి షెహ్యాజ్తో జరిపించారు. ముద్దుగుమ్మ హన్సిక బ్యాచ్లర్ పార్టీతో సందడి చేసింది. ఇప్పుడు మరో శాండల్ వుడ్ యంగ్ హీరో హీరోయిన్లు డేటింగ్లో ఉన్నారనే వార్తలు వస్తున్నాయి. ఇద్దరూ బెంగుళూరు పోర్టులో కలిసి కనిపించడంతో అసలు విషయం వెలుగులోకి వచ్చింది..
కట్ చేస్తే.. ఇన్నాళ్లూ గుట్టుచప్పుడు కాకుండా డేట్ చేసిన ఆ జంట పెళ్లి చేసుకోవాలని డిసైడ్ అయ్యారని కన్నడ మీడియాలో కథనాలు వస్తున్నాయి.. ఇంతకీ వాళ్లెవరయ్యా అంటే.. నటి హరిప్రియ.. నటుడు వశిష్ట ఎన్. సింహా.. కన్నడలో నటిగా గుర్తింపు తెచ్చుకున్న హరిప్రియ.. హీరోయిన్ భూమిక నిర్మించిన ‘తకిట తకిట’ తో టాలీవుడ్ ఎంట్రీ ఇచ్చింది.. ‘పిల్ల జమీందార్’, ‘అబ్బాయి క్లాస్.. అమ్మాయి మాస్’, ‘ఈ వర్షం సాక్షిగా’, బాలయ్య ‘జై సింహా’ చిత్రాలతో ఆకట్టుకుంది. మలయాళంలోనూ నటించింది.
ఇక వశిష్ట.. ‘కె.జి.యఫ్’ లో హీరోయిన్ శ్రీనిధి శెట్టి బ్రదర్ కమల్ క్యారెక్టర్ చేశాడు. తెలుగులో వెెంకటేష ‘నారప్ప’ లోనూ నటించాడు.. కన్నడలో గుర్తింపు తెచ్చుకున్న వశిష్ట, కొద్ది కాలంగా హరిప్రియతో ప్రేమలో ఉన్నాడు. మీడియాకి కానీ, ఇండస్ట్రీ వర్గాల వారికి కానీ ఎలాంటి అనుమానం రాకుండా.. చాలా సీక్రెట్గా రిలేషన్ షిప్ కంటిన్యూ చేస్తూ వచ్చిన ఈ జంట.. రీసెంట్గా బెంగుళూరు విమానాశ్రయంలో కెమెరాల కంటపడ్డారు. ఇద్దరూ చేతిలో చేయి వేసుకుని వెళ్తున్న పిక్స్ నెట్టింట వైరల్ అవుతున్నాయి..
అసలేం జరిగిందబ్బా అని ఆరా తీస్తే.. వశిష్ట, హరిప్రియ ఇద్దరూ మ్యారేజ్ చేసుకోవాలని ఫిక్స్ అయ్యారట.. డిసెంబర్ ఫస్ట్ వీక్లో ఎంగేజ్మెంట్ చేసుకోబోతున్నారని.. వచ్చే ఏడాది ప్రారంభంలో ఏడడుగులు వేయబోతున్నారని.. నిశ్చితార్థం, పెళ్లికి సంబంధించిన షాపింగ్ కోసమే కలిసి దుబాయ్ వెళ్లారని శాండల్ వుడ్ మీడియాలో వార్తలు చక్కర్లు కొడుతున్నాయి..
లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..
