నవ్వుతూ కామెడీ సీన్ చేసి బాత్రూంలోకి వెళ్లి ఏడ్చేవారు!

సినిమాల్లో తమ నటనతో మనల్ని ఎంటర్టైన్ చేసే ఎందరో నటీనటుల జీవితాల్లో తీరని బాధ కూడా ఉంటుంది. అవన్నీ దిగమింగుకొని మనల్ని ఎంటర్టైన్మెంట్ చేస్తుంటారు తారలు. ప్రముఖ కమెడియన్, దివంగత ఎమ్మెస్ నారాయణ జీవితంలో కూడా అలాంటి సంఘటనలు జరిగినట్లు తెలుస్తోంది. తాజాగా ‘అలీతో సరదాగా’ షోలో పాల్గొన్న నటి హేమ.. ఎమ్మెస్ నారాయణ జీవితంలో జరిగిన కొన్ని విషయాలను చెప్పుకొచ్చారు. నటుడు అలీ చాలా కాలంగా ‘అలీతో సరదాగా’ అనే షోని హోస్ట్ చేస్తున్నారు.

అలనాటి తారలను ఈ షోకి తీసుకొని ఆసక్తికర విషయాలు పంచుకునేలా చేస్తుంటాడు. తాజాగా ఈ షోకి సీనియర్ నటి శ్రీలక్ష్మి, నటి హేమ వచ్చారు. ఈ క్రమంలో శ్రీలక్ష్మి తన జీవితంలో జరిగిన కొన్ని చేదు సంఘటనలను షేర్ చేసుకున్నారు. అలానే నటి హేమ.. ఎమ్మెస్ నారాయణ తనతో పంచుకున్న విషయాన్ని వెల్లడించారు. ‘దూకుడు’ సినిమాలో ఎమ్మెస్ నారాయణ చేసిన కామెడీని అంత సులువుగా మర్చిపోలేం. ముఖ్యంగా ‘కళ్ల కింద క్యారీ బ్యాగ్’ సీన్ ఇప్పటికీ ఆడియన్స్ ని నవ్విస్తూనే ఉంటుంది.

బ్రహ్మానందం, ఎమ్మెస్ నారాయణ కాంబినేషన్ లో తెరకెక్కిన సీన్ అది. అయితే ఆ సమయంలో ఎమ్మెస్ నారాయణ భార్యకు అపోలో హాస్పిటల్ లో ఓపెన్ హార్ట్ సర్జరీ చేయాలట. ఎమ్మెస్ నారాయణ సంతకం పెడితేనే కానీ సర్జరీ చేయరు. కానీ ఆయన షూటింగ్ కోసం రామోజీ ఫిలిం సిటీలో ఉన్నారు. హాస్పిటల్ కి వెళ్లడం కుదరకపోతే ఆపరేషన్ కి సంబంధించిన ఫామ్ ని షూటింగ్ స్పాట్ కి తెప్పించుకొని సైన్ చేశారట. నవ్వుతూ కామెడీ సీన్ చేసిన తరువాత వెంటనే బాత్రూమ్ లోకి వెళ్లి బాగా ఏడ్చేవారట. మళ్లీ నీళ్లతో కళ్లు వాష్ చేసుకొని వెళ్లి నటించేవారట. ఈ విషయాన్ని నటి హేమ.. అలీ షోలో చెప్పుకొచ్చింది.

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?