క్యాస్టింగ్‌ కౌచ్‌… ఈ మాట గురించి ఇప్పుడు ఎక్కువగా వింటున్నామేమో… చాలా ఏళ్లుగా ఇది సినిమా ఇండస్ట్రీలో పాతుకుపోయింది. ఇప్పుడు హీరోయిన్లు, నటీమణులు, మహిళా సాంకేతిక నిపుణులు ఓపెన్‌ అయ్యి చెబుతున్నారు. అలా నిన్నటి తరం నాయిక ఇషా కోప్పికర్‌ ఇటీవల క్యాస్టింగ్‌ కౌచ్‌ గురించి చెప్పుకొచ్చారు. దీంతో మరోసారి బాలీవుడ్‌లో మహిళల పరిస్థితి ఇదీ అంటూ ఓ చర్చ మొదలైంది. ఇంతకీ ఇషా కోప్పికర్‌ ఏమంది! హీరోను ఒంటరిగా కలవనందుకు సినిమా నుండి తనను తప్పించేశారు అంటూ ఇషా కోప్పికర్‌ ఇటీవల షాకింగ్‌ కామెంట్స్‌ చేసింది.
‘ఏక్‌ థా దిల్‌ ఏక్‌ థా ధడ్కన్‌’తో నటిగా కెరీర్‌ ప్రారంభించిన… ఇషా కోప్పికర్‌ తెలుగులో ‘చంద్రలేఖ’, ‘ప్రేమతో రా’, ‘కేశవ’ తదితర సినిమాల్లో నటించి మెప్పించింది. నటిగా వరుస సినిమాలు చేసినప్పటికీ ఆశించిన స్థాయిలో ఫేమ్‌ రాలేదు ఇషాకి. దీంతో సినిమాల్లో వరుసగా నటించడం లేదు. అయితే వెబ్‌ సిరీస్‌లు మాత్రం చేస్తూ వస్తున్నారు. మా కుటుంబంలో ఎక్కువమంది డాక్టర్లే. చదువుకుంటున్న రోజుల్లో పాకెట్‌ మనీ కోసం మోడలింగ్‌లో అడుగుపెట్టా.
అదే సమయంలో సినిమాల్లో అవకాశాలొచ్చాయి అని చెప్పింది ఇషా కోప్పికర్‌. అలా నటిగా కెరీర్‌ ఆరంభించిన కొత్తల్లో ఓ నిర్మాత నుంచి ఇషాకు కాల్‌ వచ్చిందట. ‘మా సినిమాలో మిమ్మల్ని హీరోయిన్‌గా అనుకుంటున్నాం. మా హీరోకీ మీరు నచ్చేశారు. వీలుంటే ఒక్కసారి ఆయన్ని ఏకాంతంగా కలవండి’ అని ఆ నిర్మాత చెప్పారట. ఆ సమయంలో ఆయన మాటలకు అర్థం తెలియక కాల్‌ కట్‌ చేసిందట ఇషా.ఏం చేద్దాం అనుకుంటూ… ఆ హీరోకి కాల్‌ చేసిందట ఇషా.
‘ఒంటరిగా మీరు ఒక్కరే నా వద్దకు రండి. మీ స్టాఫ్‌ని తీసుకుని రావొద్దు’ అని హీరో చెప్పాడట. దీంతో అసలు విషయం అర్థమై… చాలా బాధపడిందట ఇషా. వెంటనే నిర్మాతకు ఫోన్‌ చేసి నా టాలెంట్‌ చూసి సినిమా ఆఫర్స్‌ వస్తే చేస్తా… అంతేకానీ ఇలా కాదు అంటూ గట్టిగానే చెప్పిందట ఇషా. అయితే ఆ హీరోను కలవలేదనే కారణంతో ఆ సినిమా నుండి ఆమెను పక్కకు తప్పించారట.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
