పాన్ ఇండియా స్టార్ ప్రభాస్ వరుస ప్రాజెక్టులతో బిజీగా ఉన్న సంగతి తెలిసిందే. ‘రాధే శ్యామ్’ విడుదలకు సిద్ధంగా ఉంది. మరోపక్క ‘సలార్’ ‘ఆది పురుష్’ వంటి సినిమాల్లో కూడా నటిస్తూ బిజీగా గడుపుతున్నాడు. 2022 లో ‘సలార్’ ‘ఆది పురుష్’ విడుదల కాబోతున్నాయి. ఈ విషయాన్ని దర్శకనిర్మాతలు అధికారికంగా ప్రకటించారు కూడా. ఇదిలా ఉండగా.. ‘సలార్’ మూవీ గురించి ఓ ఇంట్రెస్టింగ్ వార్త ఇప్పుడు ఫిలింనగర్లో చక్కర్లు కొడుతుంది. వివరాల్లోకి వెళితే..
ఈ చిత్రంలో తండ్రీ కొడుకులుగా ప్రభాస్ కనిపిస్తాడని ప్రచారం జరుగుతున్న సంగతి తెలిసిందే. పెద్ద ప్రభాస్ కు సోదరి పాత్రలో రమ్యకృష్ణ కనిపించబోతుంది అనే టాక్ కూడా నడుస్తుంది. అయితే ఈ వార్తలో నిజం లేదని.. ప్రభాస్ సోదరిగా జ్యోతిక కనిపించనుంది అనేది తాజా సమాచారం. ఇటీవల దర్శకుడు ప్రశాంత్ నీల్ జ్యోతికను కలిసి ఆమె పాత్ర గురించి చెప్పాడట.ఆ పాత్ర నచ్చడంతో జ్యోతిక ఓకే చెప్పడం జరిగిందని తెలుస్తుంది.
అయితే అధికారిక ప్రకటన ఇవ్వలేదు కాబట్టి.. ఈ వార్త ఎంతవరకూ నిజం అనేది అంచనా వెయ్యడం కష్టం. ఒకవేళ ఈ వార్త నిజమే అయితే సినిమాకి అదనపు ఆకర్షణ చేకూరే అవకాశం ఉంటుంది. అందులోనూ తమిళ్, మలయాళంలో జ్యోతిక సినిమాలకు మంచి క్రేజ్ ఉంది. ఇక ‘సలార్’ లో ప్రభాస్ సరసన శృతీ హసన్ హీరోయిన్ గా నటిస్తుంది.పాన్ ఇండియా లెవెల్లో ఈ మూవీ రూపొందుతోంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
