Actress: అవకాశాల్లేక ఇబ్బందిపడుతుంటే.. ఇలాంటి సినిమాలు తీస్తారా? కరణ్‌పై హీరోయిన్‌ ఫైర్‌

బాలీవుడ్‌లో కంగనా రనౌత్‌ వర్సెస్‌ కరణ్‌ జోహార్‌… ఈ వార్‌ ఇప్పటిది కాదు, ఇంత త్వరగా తేలేలా లేదు, తేల్చేలా కూడా లేదు. ఎందుకంటే అవకాశం చిక్కినప్పుడల్లా కరణ్‌ మీద కారాలు మిరియాలు భారీ ఎత్తున నూరుతూ ఉంటుంది. కరణ్‌ జోహర్‌ నుండి సినిమా వచ్చినా, వస్తున్నా, వస్తాదని తెలిసినా.. కంగన రెడీ అయిపోతుంది. అదే స్టైల్‌ను కరణ్‌ నుండి కంగనకు కౌంటర్లు పడవు. ఆ విషయం పక్కనపెడితే లేటెస్ట్‌గా కంగన వేసిన కౌంటర్లు బాగా వైరల్‌ అయ్యాయి.

కరణ్‌ జోహార్‌ దర్శకత్వం వహించిన ‘రాకీ ఔర్‌ రాణీ కి ప్రేమ్‌ కహానీ’ సినిమాను విమర్శిస్తూ కంగన రనౌత్‌ ఇన్‌స్టాలో వరుస పోస్టులు పెట్టింది. కరణ్‌ దర్శకత్వం, రణ్‌వీర్‌ సింగ్‌ డ్రెస్సింగ్‌ స్టైల్‌పై కంగన రనౌత్‌ తీవ్రంగా మండిపడింది. అంతేకాదు రూ.250 కోట్లతో కరణ్‌ జోహార్‌ ఓ డైలీ సీరియల్‌ తీశారని ఎద్దేవా చేసింది. ప్రేక్షకులను ఇక మోసం చేయలేరు. ఇలాంటి ఫేక్‌ సెట్స్‌, కాస్ట్యూమ్స్‌ను వాళ్లు అంగీకరించరు అని ప్రేక్షకులను ఉద్దేశిస్తూ పోస్ట్‌లో రాసుకొచ్చింది.

సినిమాను ఉద్దేశిస్తూ… నిజ జీవితంలో ఎవరైనా ఇలాంటి దుస్తులు ధరిస్తారా? 90ల్లో కరణ్‌ జోహర్‌ తెరకెక్కించిన చిత్రాలనే కాపీ కొట్టి రూ.250 కోట్ల బడ్జెట్‌తో ‘రాకీ ఔర్‌ రాణీకి ప్రేమ్‌ కహాని’ సినిమా చేసినందుకు కరణ్‌ జోహార్‌ సిగ్గుపడాలి అంటూ పెద్ద మాటలే అనేసింది కంగన. టాలెంట్‌ ఉన్నవాళ్లు సరైన డబ్బులు లేక, అవకాశాలు లేక ఇబ్బంది పడుతుంటే ఇంత డబ్బు ఆయనకు ఎవరు ఇచ్చారు అని కంగన (Actress) ప్రశ్నించింది.

బాలీవుడ్‌ ఇండస్ట్రీలో ప్రస్తుతం ఉన్న పరిస్థితుల్లో డబ్బును వృథా చేయడం మానేసి రిటైర్‌ అయిపోవడం మంచిది అని సూచించింది కంగన. లేకపోతే కొత్త టాలెంట్‌కు అవకాశాలు కల్పించు అని చెప్పింది. ఇక రణ్‌వీర్‌కు నేనిచ్చే సూచన ఒక్కటే అంటూ మరో విషయం చెప్పింది. డ్రెస్సింగ్‌ విషయంలో నువ్వు కరణ్‌ జోహార్‌ను ఫాలో అవ్వొద్దు. సాధారణ వ్యక్తుల మాదిరిగా దుస్తులు ధరించు అని సూచించింది. అంతేకాదు కావాలంటే దక్షణాది నటులు ఎంత హుందాగా దుస్తులు ధరిస్తారో చూడు అంటూ సలహా కూడా ఇచ్చింది.

ఆ హీరోల బ్యాక్ గ్రౌండ్ తెలిస్తే షాక్ అవుతారు..!

‘బ్రో’ తో పాటు ఈ వారం రిలీజ్ కాబోతున్న సినిమాలు/ సిరీస్ ల లిస్ట్
తమ్ముడి కూతురి పెళ్ళిలో సందడి చేసిన శ్రీకాంత్ ఫ్యామిలీ.. వైరల్ అవుతున్న ఫోటోలు!