Actress Kasthuri: రాబోయే రోజుల్లో మరింత తెలుసుకుంటారు.. సరోగసిపై నటి కామెంట్స్?

October 10, 2022 / 04:21 PM ISTByFilmy Focus

Join Us

Actress Kasthuri: రాబోయే రోజుల్లో మరింత తెలుసుకుంటారు.. సరోగసిపై నటి కామెంట్స్?

ఈ మధ్యకాలంలో ఎంతోమంది సినీ సెలబ్రిటీలు నేరుగా పిల్లలకు జన్మనివ్వకుండా సరోగసి పద్ధతి ద్వారా తల్లులుగా మారుతున్నారు.ఇప్పటికే మన ఇండస్ట్రీలో ఎంతోమంది సెలబ్రిటీలు ఈ విధంగా సరోగసి పద్ధతి ద్వారా పిల్లలకు జన్మనిచ్చిన విషయం మనకు తెలిసిందే. తాజాగా నయనతార విగ్నేష్ దంపతులు సైతం కవల మగ పిల్లలకు జన్మనిచ్చారు. ఈ క్రమంలోనే ఈ విషయాన్ని సోషల్ మీడియా వేదికగా తెలియజేశారు.

ఇకపోతే నయనతార విగ్నేష్ పెళ్లి చేసుకుని 4 నెలలు అయినప్పటికీ కవల పిల్లలకు జన్మనివ్వడంతో వీరిద్దరు పెళ్లికి ముందే పిల్లలను ప్లాన్ చేశారని అర్థమవుతుంది. ఇకపోతే ఈ శుభవార్తను సోషల్ మీడియా వేదికగా అభిమానులతో పంచుకోవడంతో అభిమానులు ఇతర సెలబ్రిటీలు ఈ దంపతులకు శుభాకాంక్షలు తెలియజేస్తున్నారు. ఇలా నయనతార సరోగసి పద్ధతి ద్వారా తల్లి అయిన సందర్భంలో మరొక నటి సరోగసి విధానం పై చేసిన కామెంట్స్ వైరల్ అవుతున్నాయి.

ఈ క్రమంలోనే సీనియర్ నటిగా ఎంతో మంచి గుర్తింపు సంపాదించుకున్న కస్తూరి సోషల్ మీడియా వేదికగా సరోగసిపై ఇండియాలో బ్యాన్ ఉందని .. కొన్ని అనివార్య కారణాలలో తప్ప ఎలాంటి పరిస్థితులలో సరోగసి విధానాన్ని ఉపయోగించకూడదని ఈమె తెలిపారు.2022 జనవరి నుంచి ఈ చట్టాన్ని అమలులోకి తీసుకువచ్చారంటూ ఈ సందర్భంగా ఈమె చేసిన ట్వీట్ వైరల్ గా మారింది.

ఈ విధంగా నయనతార కవల పిల్లలకు జన్మనిచ్చిన సమయంలోనే ఈమె నయనతార పేరును ఉపయోగించకుండా పరోక్షంగా వారి గురించే ఈ ట్వీట్ చేశారని అర్థమవుతుంది. ఈ క్రమంలోనే ఈ విషయంపై కొందరు అభిమానులు స్పందిస్తూ ముందు మీ పని మీరు చూసుకోండి అంటూ కామెంట్లు చేశారు. అయితే ఈ విషయంపై స్పందిస్తూ ఒక అర్హత పొందిన లాయర్ గా తనకు ఇలాంటి విషయాల గురించి మాట్లాడే హక్కు ఉంది. తాను ఎవరి గురించి ఇక్కడ ప్రస్తావించలేదు అంటూ చెప్పుకొచ్చారు. ప్రస్తుతం ఈమె చేసినటువంటి ఈ ట్వీట్స్ వైరల్ అవుతున్నాయి.