2008 సంవత్సరంలో విడుదలైన నచ్చావులే సినిమాతో టాలీవుడ్ ఇండస్ట్రీకి మాధవీలత పరిచయమయ్యారు. రవిబాబు దర్శకత్వంలో తెరకెక్కిన ఈ సినిమా బాక్సాఫీస్ దగ్గర బ్లాక్ బస్టర్ హిట్ గా నిలవడంతో పాటు నటిగా మాధవీలతకు మంచిపేరు తెచ్చిపెట్టింది. అయితే నచ్చావులే సినిమా తరువాత మాధవీలత నటించిన సినిమాలు ప్రేక్షకులను పెద్దగా ఆకట్టుకోలేదు. అయితే ఈ హీరోయిన్ స్టార్ హీరోల సినిమాలలో అవకాశాలను కొన్ని కారణాల వల్ల వదులుకున్నారని సమాచారం. తాజాగా ఒక ఇంటర్వ్యూలో మాధవీలత మాట్లాడుతూ ఆసక్తికర విషయాలను వెల్లడించారు.
వరుడు సినిమాలో ఇంట్రడక్షన్ సాంగ్ ను గుణశేఖర్ ఇద్దరు తెలుగమ్మాయిలతో చేయించాలని అనుకున్నారని ఆ సమయంలో స్నేహితుడా షూటింగ్ తో బిజీగా ఉండటంతో తనకు ఆ సాంగ్ లో చేసే అవకాశం వచ్చినా ఓకే చెప్పలేదని మాధవీలత తెలిపారు. తాను సినిమాల్లోకి ఎంట్రీ ఇవ్వకముందే ఒక పీఆర్ తనకు యమదొంగ సినిమాలో యంగ్ యమా సాంగ్ లో ముగ్గురు హీరోయిన్లలో ఒక హీరోయిన్ గా డ్యాన్స్ చేయడానికి సంప్రదించారని అయితే ఆ సాంగ్ కొంచెం ఐటం సాంగ్ లా ఉంటుందని పీఆర్ చెప్పారని మాధవీలత అన్నారు.
అప్పుడు తాను ఆ సినిమాకు నో చెప్పానని మాధవీలత పేర్కొన్నారు. ఆ సమయంలో తనకు రాజమౌళి గారి గురించి పెద్దగా తెలియదని మాధవీలత వెల్లడించారు. ఒకవేళ యమదొంగ సినిమాలో సాంగ్ చేసి ఉంటే మాత్రం మాధవీలత ఇంకా బిజీ అయ్యేవారని నెటిజన్లు అభిప్రాయపడుతున్నారు. తనకు ఐటెం సాంగ్స్ లో కూడా ఆఫర్లు వచ్చాయని కానీ వాటిని రిజెక్ట్ చేశానని మాధవీలత తెలిపారు. తనకు విలన్ రోల్స్ చేయడం ఇష్టమని మాధవీలత చెప్పుకొచ్చారు.
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home